Kinë, zgjerohet deficiti tregtar i shërbimeve në 6-mujorin e parë

Sipas të dhënave të reja në Kinë, deficiti tregtar i shërbimeve u rrit me 26.6 për qind në gjashtëmujorin e parë të vitit, duke arritur në rreth 130 miliardë dollarë amerikanë.

Sipas Ministrisë së Tregtisë deficiti ka ardhur kryesisht nga turizmi, transporti dhe e drejta e pronësisë intelektuale.

Sektori i shërbimeve të informacionit dhe i konsulencës regjistroi tepricë gjatë gjysmës së parë të vitit.

Ministria parashikoi se në gjysmën e dytë të vitit rritja e eksporteve mund të jetë më e ulët se ajo e importeve, gjë që do të çojë në një shtim të deficitit në tregtinë e shërbimeve.

Në muajin qershor, sektori i tregtisë së shërbimeve në Kinë u rrit në afro 30 për qind krahasuar me një vit më parë, ritmi më i shpejtë ky i rritjes në 18 muaj. (Albana)