Me të njëjtin rezultat si në "Elbasan Arena" (3-0) Shqipëria mundi të dielën Izraelin, me 2 gola të shënuar nga Sadiku dhe një nga Ledian Memushaj. Pas kësaj fitoreje Shqipëria ngjitet në vendin e tretë me 9 pikë, aq sa ka edhe Izraeli në vendin e katërt të Grupit G. Vendin e parë në grup e ndajnë Spanja dhe Italia me nga 16 pikë, Maqedonia ka vetëm 3 pikë në vendin e pestë, ndërsa Lihtenshtajni është në vendin e fundit me zero pikë.
