Kina, integrim të informatizimit me ekonominë reale

Kryeministri Li Keqiang vuri në dukje të mërkurën se Kina do të integrojë informatizimin me ekonominë reale, për të shfrytëzuar mundësinë historike të revolucionit tekniko-shkencor global.

Duke folur në ceremoninë e hapjes së Samitit të Industrisë së të Dhënave të Mëdha të Kinës, Li u shpreh se Kina po përpiqet të kalojë nga mbështetja e tepruar te burimet natyrore te shfrytëzimi më shumë i krijueshmërisë dhe i burimeve njerëzore, që sipas tij, janë të pafunda.

Samiti i Industrisë së të Dhënave të Mëdha po zhvillohet bashkërisht me Samitin për Inovacionin dhe Zhvillimin e Tregtisë Elektronike në Guiyang, kryeqendër e provincës Guizhou të Kinës Jugperëndimore.

Kreu i qeverisë kineze tha se Kina do të shtojë ndërtimin e infrastrukturës së informacionit, veçanërisht në zonat rurale dhe të largëta, për të ngushtuar hendekun "dixhital".

Kryeministri Li u kërkoi niveleve të ndryshme të pushtetit të ndajnë informacionin që kanë me publikun, për të përmirësuar shërbimet e qeverisë. (Artan Goga)