Aktorja Brittany Murphy dhe repisti Eminem në filmin "8 Mile". [Photo: Universal Studios/imdb.com]

Brittany Murphy, aktorja amerikane që u bë njohur me filmin fitues të "Oskarit" "8 milje" ("8 Mile"), vdiq të dielën në Los Anxhelos. Ajo ishte 32 vjeç.

Sipas agjencisë amerikane të lajmeve "The Associated Press", Murphy u deklarua e vdekur në një qendër mjekësore të Los Anxhelosit dhe policia ka nisur hetimin mbi vdekjen e papritur të kësaj aktoreje. Zëdhënësi i spitalit nuk ka ofruar hollësi mbi shkaqet e mundshme të vdekjes së Murphy-t.

Lindur në 1977, ajo e filloi karrierën e aktores në fillim të viteve '90 me disa role të vogla në film. Ajo u njoh nga të gjithë me filmat "Vajzë, e ndërprerë" ("Girl, Interrupted"), "Sin City" ("Qytet mëkati") dhe "Pa ide" ("Clueless"). (Wang Xianya) (Artan)