Në një konferencë shtypi për "Invictus", filmin e ri të Clint Eastwood-it, prodhuesi i famshëm Mace Neufeld u dha mediave disa lajme të reja lidhur me filmat serialë të Jack Ryan-it.

Jack Ryan është figura kryesore e romaneve të Tom Clancyit. Ai është një agjent i Agjencisë Qendrore të Zbulimit (CIA). Sipas Neufeld-it, kompania "Paramount" po kontakton me Chris Pine për të biseduar lidhur me luajtjen prej tij të Jack Ryan-it.

Ndërkohë, Neufeld-i theksoi se skenari i filmit është origjinal dhe jo një përshtatje e romanit të Tom Clancy-t.

Deri më tani janë prodhuar 4 filma me Jack Ryan-in: "Gjuetia për 'Tetorin e kuq'" ("The Hunt for Red October"), "Lojëra patriotike" ("Patriot Games"), "Rrezik i tanishëm dhe i qartë " ("Clear and Present Danger") dhe "Shuma e gjithë frikërave" (The Sum of All Fears), ku kanë luajtuar Alec Baldwin, Harrison Ford dhe Ben Affleck. (Wang Xianya)