Në mbrëmjen e 28 nëntorit, u mbajt në Tajpei, ceremonia e dhënies së çmimeve në edicionin e 46-të të Çmimeve "Kali i Artë" i Tajvanit. Filmi nga Tajvani "No Puedo Vivir Sin Ti" u bë fituesi më i madh, duke fituar çmimet e filmit më të mirë, regjisorit më të mirë, dokumentit origjinal më të mirë, filmit më të mirë tajvanez të vitit 2009 dhe filmit më të mirë nga votimi i shikuesve. Këtë herë, çmimi "Aktori më i mirë" për herë të parë u dha për 2 aktorë, aktorin e pjesës kontinentale Huang Bo dhe aktorin nga Hongkongu Zhang Jiahui. Aktorja e pjesës kontinentale Li Bingbing fitoi çmimin "Aktorja më e mirë". Aktorët Wang Xueqi dhe Yu Shaoqun, me filmin "Mei Langfang" morën përkatësisht çmimin "Aktori jo-kryesor më i mirë" dhe "Aktori i ri më i mirë", ndërsa aktorja, Hui Yinghong fitoi çmimin "Aktorja jo-kryesore më e mirë" me filmin "Sham Moh". (Xiaoyu)