Kompania World Awards Media njofton në sitin e saj se një koncert përkujtimor do të zhvillohet në Pallatin Shoenbrunn, në Vienë, në përkujtim të yllit të shuar të pop-it, Michael Jackson.

Sipas mediave vendore, World Awards Media tha, me rastin e koncertit, do të ngrihet një skenë në formën e kurorës. Familjarët e Jacksonit, përfshi Jermaine Jackson dhe të tjerë artistë të rangut botëror do të japin shfaqje me këtë rast. Spektatorët do të dëgjojnë këngët klasike të Jacksonit.

Kompania po pret lejen zyrtare për mbajtjen e këtij koncerti nga Pallati Shoenbrunn, ndërsa data e shfaqjes do të publikohet së shpejti, dhe biletat do të shiten nga 20 gusht. (Wang Xianya)