Gjithmonë i magjepsur

Karpa e kuqe

Në vitin 2008, të ardhurat nga shitja e biletave të filmave në Kinë u rritën 25% në krahasim me vitin 2007. Bashkëpunimet kinematografike ndërmjet Kinës dhe vendeve të tjera kanë pasur sukses të madh.

Në sfondin e rritjes së shpejtë të sektorit kinematografik, investitorët e huaj janë të interesuar për xhirimin e filmave në bashkëpunim me Kinën. Skenarët e filmave të xhiruar në bashkëpunim, si "Karpa e kuqe", "Gjithmonë i magjepsur" etj., janë të mbështetur në histori të lidhura me kulturën e pasur tradicionale kineze. Nëpërmjet këtyre filmave botës mund t'i paraqitet edhe më mirë kultura kineze.

Prodhuesi i njohur amerikan i Broadway-it Toby Simkin tha se burimet e pasura kinematografike kineze e tërhoqën atë për xhirimin e përbashkët të filmave në Kinë. Duke folur për filmin "Konkubina perandorake Yang" që po xhirohet në bashkëpunim, Toby Simkin tha se ai patjetër do të ftojë një aktore kineze për rolin kryesor. (Shy Guan) (Artan)