Për të disatën herë me radhë gjatë vitit, Shqipëria u rekomandohet turistëve për ta vizituar. I fundit që ua rekomandon lexuesve në internet është rrjeti i njohur televiziv amerikan CNN. Ai e rendit Shqipërinë në listën e destinacioneve më të mira për tu vizituar në vitin 2011-të. Shqiperia renditet e 6 në listën me 9 vende.

CNN në fakt i referohet listës së "LonelyPlanet", ndaj e nis shkrimin duke thënë se ndoshta renditja e Shqipërisë në fillim të listës, mund të jetë një surprizë për shumë njerëz, por Shqipëria u ofron udhëtarëve një shije mesdhetare pak të populluar dhe çmime të lira.

CNN thekson se destinacioni i vërtetë është Gjirokastra, qendra e të cilës është nën mbrojtjen e UNESCO-s si pasuri botërore. Gjirokastra përshkruhet si një qyetet me kalldrëme e ndërtesa të vjetra.

Me plazhet piktoreske, ushqimin e mirë dhe një numër të madh vendesh të trashëgimisisë kulturore, Shqipëria do të mbetet jashtë destinacioneve të preferuara edhe për shumë kohë, vlerëson CNN.

Në listën e CNN në krye të destinacionve më të mira për të pushuar për 2011-ën renditet New York, i ndjekur nga Zelanda e Re dhe Peruja.

Artikulli titullohet "Ku mund ta gjeni veten në Tokë gjatë 2011?". Sipas CNN, gjtihësecili mund të lexojë listën e kalsifikimit të vendeve se ku mund të kalohen pushimet gjatë vitit që vjen.

Destinacione tjetër për tu vizituar është qyteti i Barcelonës në Spanjë, e më tej këshillohet Norvegjia, Japonia, Guatemala dhe në vend të fundit Bulgaria. (CNN.com) (Leftioni)