Ditët e fundit sekretari britanik i Shtetit për Energjinë dhe Ndryshimin e Klimës Ed Miliband publikoi një artikull, ku kritikon Kinën se ajo po përpiqet të "rrëmbejë" procesin e bisedimeve të Kopenhagës. Pala kineze reagoi menjëherë lidhur me këtë.

Zëdhënësja e Ministrisë së Jashtme Jiang Yu u shpreh se fjalët e disa politikanëve britanikë lidhur me Kinën kanë qëllime të dukshme politike, ato synojnë të shmangin detyrimet e tyre ndaj vendeve në zhvillim e të provokojnë marrëdhëniet mes vendeve në zhvillim.

Jiang Yu theksoi gjithashtu se shihet nga të gjithë që fakti i pamohueshëm është se pala kineze ka bërë shumë përpjekje dhe punë për të nxitur procesin e Konferencës së Kopenhagës dhe ka dhënë ndihmesë për ruajtjen e interesave të vendeve në zhvillim dhe unanimitetin ndërkombëtar. (Wang Xianya)