Më 15 dhjetor në mbrëmje, në Kopenhagen, u hap zyrtarisht takimi i nivelit të lartë i Konferencës së Ndryshimit të Klimës të OKB-së. Kjo do të thotë që kjo konferencë ka hyrë në fazën kyçe të diskutimit.

Në ceremoninë e hapjes, sekretari i përgjithshëm i OKB-së Ban Ki Moon mbajti një fjalim, ku theksoi detyrat e vendeve të zhvilluara për pakësimin në masë të madhe të lëshimit për në periudhë afatmesme, veprimet aktive të vendeve në zhvillim për pakësimin e lëshimit dhe rëndësinë e problemit të fondeve. Ban Ki Moon u shpreh gjithashtu se ndryshimi i klimës është bërë një program i rëndësishëm që përfshihet në rendin e ditës të të gjithë botës. Ai shpreson se në këtë konferencë mund të arrihet një marrëveshje e barabartë e pakësimit të lëshimit, e cila mund të pranohet nga palët e ndryshme.

Më 17 dhjetor, në këtë konferencë, kryeministri i Kinës Wen Jiabao do të mbajë një fjalim të rëndësishëm për të shpjeguar qëndrimin pozitiv të qeverisë kineze në këtë çështje. (Shy Guan)