Më 8 dhjetor, gazeta "Renmin Ribao" botoi një kryeartikull, ku vihet në dukje se duhet të shpejtohet ndryshimi i mënyrës së zhvillimit ekonomik dhe të nxitet zhvillimi i shpejtë e i qëndrueshëm i ekonomisë. Në këtë kryeartikull thuhet se ditët e fundit u zhvillua mbledhja qendrore mbi punën ekonomike, ku u shqyrtua në mënyrë shkencore situata e tanishme e ekonomisë kineze dhe asaj botërore dhe u planifikuan në mënyrë të gjithanshme punët ekonomike për vitin 2010.

Në këtë artikull theksohet gjithashtu se duhet të njihet saktë kërkesa e përgjithshme mbi punën ekonomike të vitit 2010, të ruhen vazhdimi e stabiliteti i politikës makroekonomike, të zbatohen politika aktive financiare dhe politika e lirë dhe e përshtatshme monetare dhe të bëhen përpjekje të shtohen objektivat e elasticiteti i politikës sipas situatës së re. Sidomos duhet t'u kushtohet më shumë rëndësi ngritjes së efektivitetit dhe cilësisë së rritjes ekonomike, shtyrjes përpara të reformës e hapjes me jashtë dhe novacionit të pavarur e forcimit të gjallërisë e forcës motivuese, përmirësimit të jetesës së banorëve, ruajtjes së harmonisë e qëndrueshmërisë shoqërore, si edhe të merren parasysh në mënyrë të gjithanshme fushat e rëndësishme për Kinën dhe për botën, e të bëhen përpjekje që të arrihet zhvillimi i shpejtë dhe i qëndrueshëm i ekonomisë. (Yuan Xin)