Hu Jintao tha se Kina dhe SHBA-ja kanë interesa të përbashkëta dhe perspektivë të gjerë të bashkëpunimit në një sërë problemesh të rëndësishme që kanë lidhje me paqen dhe zhvillimin e njerëzimit. Të dyja vendet mbajnë edhe përgjegjësi të përbashkët. Hu Jintao nxorri propozimin prej 5 pikash për zhvillimin e marrëdhënieve kino-amerikane, të cilat përkatësisht janë nxitja e vazhdueshme e besimit strategjik kino-amerikan, mbajtja e lidhjes së ngushtë të nivelit të lartë dhe të bisedimeve, forcimi i bashkërendimit mbi politikën ekonomiko-financiare, nxitja e shkëbimeve dhe të bashkëpunimit në fusha të ndryshme si dhe përballimi i sfidave rajonale e globale.
Obama ra dakord plotësisht për këto propozime dhe u shpreh njëkohësisht se SHBA-ja nuk synon të përmbajë Kinën, por mirëpret një Kinë të fortë, të lulëzuar dhe të suksesshme që mund të luajë një rol më të madh në çështjet ndërkombëtare. SHBA-ja dëshiron t'i zgjidhë mosmarrëveshje me palën kineze në fushën tregtare, duke kundërshtuar së bashku proteksionizmin.
Obama theksoi gjithashtu se mbi problemin e Tajvanit, SHBA-ja njeh dhe respekton sovranitetin dhe tërësinë territoriale të Kinës dhe nuk ka dashje të ndërhyjë interesat thelbësore të palës kineze.
(Çan Yean)
