Më 4 nëntor, Drejtoria e Shëndetësisë dhe Drejtoria e Arsimit e Pekinit publikuan një dokument, ku thuhet se tani në qytetin e Pekinit epidemia e gripit A-H1N1 është përzier me gripin e stinës, prandaj do të shtohet numri i të infektuarve nga gripi A-H1N1 dhe do të ketë më shumë infektim në grup. Si rrjedhojë, masat përkatëse parandaluese në shkolla janë shumë të rëndësishme.

Në këtë dokument kërkohet që të përmirësohet sistemi i kontrollit të temperaturës në të gjitha shkollat 9-vjeçare. Mësimdhënia mund të pezullohet kur të jetë nevoja dhe do të ulet në minimum numri i aktiviteteve në grup.

Deri më 29 tetor, në qytetin e Pekinit u raportuan 6734 raste të infektimit nga gripi A-H1N1. Sipas të dhënave statistikore, të infektuarit janë kryesisht nën moshën 30 vjeçe. (Jiang Lei) (Artan)