Më 24 shtator, Këshilli i Sigurimit i OKB-së zhvilloi samitin e pakësimit dhe të mospërhapjes së armëve bërthamore. Në këtë samit u miratua rezoluta nr. 1887, ku u bëhet thirrje vendeve të ndryshme që të nxitin mospërhapjen e armëve bërthamore dhe pakësimin e tyre dhe të krijojnë kushtet për të zhdukur armët bërthamore në mbarë botën.
Kjo është hera e parë në historinë e Këshillit të Sigurimit që zhvillohet një samit lidhur me këtë problem.

Samitin e drejtoi presidenti i ShBA-së, vendit kryetar të radhës të Këshillit të Sigurimit, Barak Obama, duke u bërë kështu presidenti i parë amerikan që drejton një takim të Këshillit të Sigurimit.

Në rezolutën nr. 1887 që u miratua, u bëhet thirrje vendeve pjesëmarrëse në "Traktatin e mospërhapjes së armëve bërthamore" që të zbatojnë detyrimet e premtimet, dhe vendeve jopjesëmarrëse që të përfshihen në këtë traktat. (Çang Çuo) (Artan)