Siç njoftojnë korrespondentët e Radios së Jashtme të Kinës, presidenti i SHBA-së, Barack Hussein Obama u takua më 22 shtator në Nju Jork me kryeministrin izraelit, Bejamin Netanyahu dhe udhëheqësin palestinez Mahmoud Abbas dhe zhvilloi me ta një bisedë trepalëshe në mjediset ku po zhvillohet sesioni i 64-të i Asamblesë së Përgjithshme të OKB-së. Barack Obama u bëri thirrje të dyja palëve të tregojnë elasticitet gjatë bisedimeve dhe të ecin përpara me shpirtin e kompromisit të nevojshëm.

Obama tha se përfaqësuesi i posaçëm amerikan i problemit të Lindjes së Mesme, George Mitchell dhe sekretarja amerikane e Shtetit, Hillary Cliton do të takohen javën tjetër në Uashington me përfaqësuesit e bisedimeve izraelito-palestineze për të nxitur procesin e paqes mes tyre.

Në këtë ditë, zëdhënësi i udhëheqësit palestinez Nabil Abu Rudeinah tha në një deklaratë se nëse SHBA-ja dhe pala izraelite dëshirojnë të rifillojnë bisedimet paqësore, atëherë duhet të ndalojë ndërtimi i vendbanimeve hebreje në Bregun Perëndimor të lumit Jordan dhe në lindje të Jerusalemit, duke përfshirë shtimin e vendbanimeve të njoftuara nga pala izraelite. (Xiaoyu)