Më 29 qershor, zv.drejtori i Zyrës së gjendjeve të jashtëzakonshme shëndetësore pranë Ministrisë së Shëndetësisë të Kinës Liang Wannian u shpreh në Pekin se, në fazën e ardhshme, Kina do të bëjë përpjekje për të pakësuar rastet e infektimit nga gripi A-H1N1 me burim brenda vendit, duke parandaluar përhapjen e këtij gripi në lagjet e banimit.

Liang Wannian tha gjithashtu se Kina ka planifikuar të rezervojë para 1 tetorit vaksina që mbulojnë 1 % të popullsisë, si rezerva strategjike për përballimin e përhapjes në përmasa të mëdha të gripit A-H1N1.

Deri më 28 qershor Kina raportoi gjithsej 729 të sëmurë nga gripi A-H1N1, ndër të cilët 401 janë shëruar, ndërsa raste vdekjeje nuk ka. (Fani) (Artan)