Më 15 qershor në Yeketerinburg drejtori i Drejtorisë Ndërkombëtare të Ministrisë kineze të Tregtisë Yu Jianhua tha se Kina përkrah me vendosmëri anëtarësimin e Rusisë në OBT, duke shpresuar që Rusia të bëhet sa më parë anëtare.

Takimi i liderëve të "vendeve BRIK" zhvillohet më 16 qershor në Yeketerinburg. Më 15 qershor Yu Jianhua tha se "vendet BRIK" janë përfaqësuese të rëndësishme të vendeve me tregje të reja. Ndërkohë që Kina, India dhe Brazili janë pjesëmarrësit kryesorë në Raundin e Dohës, Rusia nuk është ende anëtare në këtë organizatë. Në vitin 2004 Kina dhe Rusia përfunduan bisedimet mbi çështjen e hyrjes në tregjet e ndërsjellëta.