Aktualisht epidemia e gripit të tipit A-H1N1 po vazhdon të përhapet në tërë botën. Deri në orën 14.00 të 18 majit sipas orës lokale të Pekinit, mbi 40 vende kanë raportuar gjithsej 8787 të prekur nga kjo sëmundje, 74 prej të cilëve kanë vdekur.

Deri tani, SHBA-ja, Meksika dhe Kanadaja janë ende 3 vendet me numrin më të madh të të infektuarve nga gripi A-H1N1. Deri në mbrëmjen e 17 majit, Meksika ka raportuar gjithsej 3102 të sëmurë nga ky grip, 68 prej të cilëve kanë vdekur; në SHBA janë raportuar 4714 të sëmurë dhe 4 të vdekur, kurse në Kanada deri më 17 maj ka pasur 496 të infektuar, një nga të cilët ka vdekur.

Duhet të vëmë re gjithashtu gjendjen në Japoni, ku deri në mëngjes të 18 maji sipas orës lokale, të sëmurët nga gripi i tipit A-H1N1 arritën në 96, 92 prej të cilëve janë vendës. (Vera)