Më 18 maj, Ministria e Shëndetësisë e Kinës njoftoi se deri në orën 12, në pjesën kontinentale të Kinës janë zbuluar 3 raste të konfirmuara të infektimit nga gripi i tipit A-H1N1, përkatësisht në Sichuan, Shandong dhe Pekin. Krahas këtyre, u zbulua edhe në Guangdong një person që dyshohet si i infektuar nga virusi A-H1N1.

I infektuari i konfirmuar në provincën Sichuan që është rasti i parë i infektimit në pjesën kontinentale të Kinës doli nga spitali më 17 maj pasdite. Ndërkohë, dy të sëmurët e tjerë të konfirmuar janë në gjendje të qëndrueshme, temperatura e tyre është normale dhe ata po mbahen nën kontroll në spitalet lokale.

Në orën 12 të 18 majit, edhe qyteti Guangzhou i provincës Guangdong raportoi një rast të dyshuar infektimi nga virusi A-H1N1.(Jiang Lei)