Sipas korrespondentëve të Radios së Jashtme të Kinës, më 6 maj, në uebsajtin e Ministrisë kineze të Shëndetësisë u njoftua se, në pasditen e 5 majit, kjo ministri dhe Zyra përfaqësuese e Organizatës Botërore të Shëndetësisë në Pekin mbajtën një takim të përbashkët, për t'u raportuar gjendjen e parandalimit dhe të kontrollit të gripit A-H1N1 ambasadave të huaja dhe organizatave ndërkombëtare në Kinë.

Përfaqësuesi i OBSH-së në Kinë Hans Troedsson vuri në dukje se tani e gjithë bota është në nivelin e 5-të të alarmit të pandemisë së gripit, d.m.th pandemia e gripit do të vijë. Çdo vend duhet të nisë sa më parë projektin urgjent, duke marrë masa aktive.

Qeveria kineze ka vendosur që financa qendrore të japë 5 miliardë juanë fond të posaçëm për të parandaluar dhe kontrolluar gripin A-H1N1.

Ndërsa zv.kryetari i Zyrës së emergjencave të Ministrisë së Shëndetësisë të Kinës Liang Dongming u shpreh se qeveria kineze është e gatshme për punët për të parandaluar dhe përballuar rëndimin dhe ndërlikimin e gjendjes së gripit dhe do të vazhdojë të forcojë bashkëpunimin e shkëmbimet ndërkombëtare për të përballuar së bashku kërcënimin nga sëmundja e re. (Xiaoyu)