Alarmi për gripin e derrave ka vënë në lëvizje strukturat shëndetësore në të gjithë botën, duke përfshirë dhe Shqipërinë. Specialistët kanë bërë të ditur se si duhet të evidentojmë rastet se kur një person është i prekur nga gripi i derrit. Specialistët sqarojnë se përhapja e sëmundjes ndodh nëpërmjet ajrit, kontakteve të drejtpërdrejta me kafshët dhe nëpërmjet konsumimit të mishit të derrit. Ndërkohë, që simptomat janë të njëjta me ato të gripit të njeriut dhe të gripit të pulës. Ministria e Shëndetësisë sqaroi se në Shqipëri nuk ka asnjë të prekur nga gripi i derrit dhe njëkohësisht Shqipëria nuk është importues i mishit të këtyre kafshëve nga Meksika që është dhe vendi i vatrës së virusit. (Gazmend Agaj)