Korrespondentët e Radios së Jashtme të Kinës mësuan nga Ministria kineze e Shëndetësisë se më 1 maj pasdite, shefi i sektorit të bashkëpunimit ndërkombëtar i kësaj ministrie, Ren Minghui u takua me përfaqësuesin e Organizatës Botërore të Shëndetësisë (OBSH) Hans Troedson, duke e njohur këtë të fundit me masat e ndërmarra nga Kina kundër gripit të tipit A H1N1.

Ren Minghui tha se qeveria kineze ka krijuar sistemin për parandalimin e përhapjes së gripit me pjesëmarrjen e sektorëve përkatës dhe se po forcon kontrollin dhe kualifikimin e punonjësve mjekësorë, duke shtuar rezervën e medikamenteve, kontrollin dhe karantinën kufitare, për të ndaluar hyrjen dhe përhapjen e sëmundjes, në të mirën e shëndetit të masave popullore.

Në takim, Hans Troedson vlerësoi lart masat e qeverisë kineze për të përballuar gripin e tipit A H1N1 si dhe qëndrimin e saj për publikimin transparent të informacioneve përkatëse për publikun. (Çan Yean) (Artan)