Kryetari i shtetit i Kinës dhe kryetar i Këshillit Qendror Ushtarak Hu Jintao u takua më 23 prill paradite me drejtuesit e delegacioneve të forcave detare të 29 vendeve që morën pjesë në ceremoninë përkujtimore të 60-vjetorit të krijimit të Forcave Detare të Ushtrisë Popullore Çlirimtare të Kinës. Z. Hu Jintao u shprehu mirëseardhjen funksionarëve dhe ushtarakëve të forcave detare të vendeve të ndryshme që morën pjesë në këtë ceremoni.

Hu Jintao tha se ky aktivitet i marinës së vendeve të ndryshme është me temën "Harmonia e deteve". Forcat Detare të Kinës zhvillojnë bashkëpunimin ndërkombëtar të sigurisë në dete dhe zbatojnë gjithmonë "Kartën e OKB-së", "Konventën e Ligjit Detar të OKB-së" dhe normat e tjera të marrëdhënieve ndërkombëtare, këmbëngulin për sigurinë dhe zhvillimin e përbashkët, si dhe ruajnë sigurinë në det.

Përfaqësuesi i delegacioneve të forcave detare të vendeve të huaja, komandanti i Marinës së Brazilit Eduardo Medina-Mora shprehu urime për 60-vjetorin e krijimit të Forcave Detare të Ushtrisë Popullore Çlirimtare të Kinës dhe shprehu vlerësim të lartë lidhur me përpjekjet e qeverisë dhe të ushtrisë kineze për krijimin e detit të harmonishëm. (Çang Çuo) (Artan)