Më 31 mars, në Shkollën e Shkencave Ekonomike dhe Politike në Londër, George Soros mbajti një fjalim, ku vuri në dukje se sistemi i Kinës është më i favorshëm ndaj ndikimeve të krizës financiare ndërkombëtare. Sipas parashikimit të tij, Kina do të shpëtojë shumë shpejt nga kjo krizë botërore dhe do të bëhet më e fuqishme.

Sorosi është i mendimit se kjo krizë që vjen nga tregu financiar ndërkombëtar tek ekonomia reale, i ka sjellë edhe Kinës goditje, posaçërisht në fushën e eksportit të saj. Por sistemi aktual i Kinës, veçanërisht kontrolli efektiv qeveritar ndaj sistemit bankar mund ta ndihmojë Kinën të pakësojë sa më shumë dëmet nga kjo lloj krize financiare. (Shy Guan)