Agjencia Hsinhua njoftoi se kohët e fundit Senati dhe Dhoma e Përfaqësuesve të SHBA-së miratuan me radhë dy projekte stimuluese të ekonomisë, ndër të cilat, neni mbi blerjen e mallrave vendëse shkaktoi pakënaqësinë e komunitetit ndërkombëtar. Qarqet e ndryshme janë të mendimit se kjo masë tregon prirjen e proteksionizmit të SHBA-së, ndikimet e saj negative mbi ringjalljen e ekonomisë janë më të mëdha se ato pozitive.

Revista angleze "Ekonomist" është e mendimit se ky nen është proteksionizëm brutal dhe nuk është e përshtatshme që sfera e zbatimit të tij të zgjerohet edhe në palën e nënshkrimit të marrëveshjes së blerjes së qeverisë. Kryeekonomisti i Bankës Botërore Lin Yifu u shpreh ditët e fundit se, nëse qeveria nuk mund të përballojë sfidën në mënyrë të bashkëpunimit, atëherë ringjallja e ekonomisë ndoshta do të realizohet më vonë se parashikimi.

Specialistët janë të mendimit se ka mundësi që vendet e tjera të imitojnë veprimet e proteksionizmit tregtar të SHBA-së, gjë që do të shkaktojë keqësimin e mjedisit tregtar ndërkombëtar. (Vera)