Permbytjet ne Bosnje (Foto Atsh)

Në Bosnjë-Hercegovinë situata me reshjet është bërë më kritike orët e fundit, me zgjerimin e rajoneve të kërcënuara nga përmbytje të mundshme.

Kreu i përfaqësimit të BE-së në Sarajevë, Luigi Soreca, tha se Bashkimi Europian ka aktivizuar “Copernicus EMS”, mekanizëm për menaxhimin e emergjencave, për të ndihmuar vendin ballkanik, shkruan “ATSH”.

“Ndërsa nivelet e larta të detit po prekin Bosnjë-Hercegovinën Veriore, BE-ja ka aktivizuar “Copernicus EMS” për të vlerësuar dhe hartuar tre zonat kryesore të prekura”,- tha Soreca, duke shtuar se BE-ja vazhdon të ofrojë mbështetje për vendin dhe monitoron situatën.

Situatat më kritike janë në rajonin rreth Banja Lukës, në Republikën Serbe të Bosnjë-Hercegovinës, ku është shpallur gjendje e jashtëzakonshme në 16 vendbanime.

Tetorin e kaluar, në Bosnjë-Hercegovinë 21 njerëz vdiqën për shkak të përmbytjeve të rënda dhe rrëshqitjeve të dheut që prekën veçanërisht rajonin e Jabllanicës, 80 kilometra nga Sarajeva.