Kryeministri Rama (Foto nga Atsh)

Kryeministri shqiptar, Edi Rama, deklaroi të dielën se qeveria po synon një formalizim të sektorit të turizmit, duke futur platformën dixhitale “e-Visitors”, shkruan “ATSH”.

Sipas tij, kjo bëhet për të eliminuar shmangiet në deklarimin e netqëndrimeve gjatë sezonit turistik.

Kryeministri Rama theksoi se nga rreth 10.1 milionë turistë që vizituan Shqipërinë në vitin 2023, gati 4 milionë net kanë qenë të deklaruara. 

“Përgatituni, sepse në 2026-n, nuk do të keni nga të lëvizni më, sepse do të fusim platformën dixhitale “e-Visitors” dhe aty nuk do të bëni asnjë shmangie sa i takon strukturave hoteliere”,- tha Rama gjatë një takimi me bizneset turistike në Vlorë.