Foto nga VCG

Mbrojtja ekologjike mbetet një temë e nxehtë në dy sesionet e Kinës. 

Anëtarët e Konferencës Konsultative Politike të Popullit Kinez (KKPPK) dhe deputetët e Asamblesë Popullor Kombëtare (AKP) paraqitën sugjerime të shumta për të nxitur përpjekjet e Kinës për mbrojtjen ekologjike. 

Jiang Qi, anëtar i KKPPK-së dhe studiues në Akademinë e Shkencave Bujqësore dhe Pyjore të Ningxia-së, theksoi nevojën e ngutshme për të përmirësuar rrjetet e brezave mbrojtës të tokës bujqësore në rajonin e dredhës drejtkëndore të Lumit të Verdhë.

Vitin e kaluar në Rajonin Autonom Ningxia-Hui të Kinës Veriperëndimore nisën projektet kyçe, përfshirë mbrojtjen ekologjike, kontrollin e gërryerjes së tokës, ruajtjen e burimeve ujore dhe menaxhimin ekologjik përgjatë kodrave në rrëzën lindore të malit Helan. Deri tani, pothuajse 230 000 hektarë tokë janë restauruar anembanë rajonit. 

U theksua edhe nevoja për kontrollin më të madh të shkretëtirëzimit në pellgun e Kaidamit, duke bërë thirrje për metoda shkencore të përshtatura për kushtet ekologjike vendore, përshpejtimin e projekteve ekologjike kyçe dhe zhvillimin e mekanizmave të diversifikuar të financimit, për të tërhequr investimet në nismat e kontrollit të rërës. 

Përveç kësaj, u vu në dukje integrimi i zhvillimit të energjisë diellore me kontrollin e shkretëtirëzimit si një rrugë për të nxitur modelin e gjelbër të zhvillimit.