Ministri i Turizmit dhe i Rinisë i Serbisë Husein Memic / CMG

Gjatë një interviste eksklusive për gazetarin e Grupit Mediatik të Kinës në prag të Sesionit Vjetor të Asamblesë Kombëtare Popullore të Kinës dhe të Sesionit Vjetor të Komitetit Kombëtar të Konferencës Konsultavie Politike të Popullit Kinez ("Dy Sesionet"), Ministri i Turizmit dhe i Rinisë i Serbisë Husein Memic, vlerësoi lart zhvillimin e gjithanshëm të Kinës, si edhe mundësitë e reja të krijuara nga ajo për modernizimin e vendeve të ndryshme të botës. 

Ministri vuri në dukje se Serbia ka pasur bashkëpunim të thellë me Kinën në fusha të ndryshme dhe ka pritshmëri që falë përpjekjeve të të dyja palëve të arrijë përparime të reja në ndërtimin e bashkësisë me fatet e përbashkëta Kinë-Serbi.

Për "Dy Sesionet", një ngjarje të madhe vjetore në jetën politike të popullit kinez, që do të hapen në fillim të marsit, Memic shprehu shpresën: "Kina është një vend i lashtë, me histori dhe qytetërim mijëra vjeçar. Njëkohësisht, vendi ka një planifikim të qartë për rrugën e zhvillimit në të ardhmen." 

Ai tha se prirja e zhvillimit të ekonomisë kineze është inkurajuese dhe shprehu besimin se "Dy Sesionet" që do të hapen së shpejti, do t'u çojnë sinjale pozitive rimëkëmbjes dhe zhvillimit të ekonomisë botërore.