CMG organizon aktivitetin "Preludi i Galasë së Festës së Pranverës" në Madrid, Spanjë, 22 janar 2025. /CMG

CMG - Grupi Mediatik i Kinës festoi të mërkurën në Madrid frymën e Vitit të Ri Kinez me aktivitetin "Preludi i Galasë së Festës së Pranverës". Eventi tërhoqi një audiencë të larmishme me diplomatë, udhëheqës kulturorë dhe të ftuar ndërkombëtarë. 

Shen Haixiong, zëvendësministër i Departamentit të Publicitetit të Komitetit Qendror të PKK-së dhe President i CMG-së, mbajti një video fjalim duke theksuar njohjen globale të Festës së Pranverës. Shen vuri në dukje se festa, i cili vitin e kaluar u shtua në Listën e Trashëgimisë Kulturore Jomateriale të UNESCO-s, tashmë është bërë një festë e madhe në mbarë botën. 

Ai ndau emocionet e Galasë së Festës së Pranverës të këtij viti, i cili do të përdorë përparimet teknologjike të CMG në "5G+4K/8K+AI" për të ofruar një përvojë kulturore spektakolare në 82 gjuhë. Shen ftoi audiencën në mbarë botën t'i bashkohet kësaj feste kulturore globale, e cila pasqyron traditat e gjalla të Kinës. 

Artistët interpretojnë "Fytyra që ndryshon" të Operës së Sichuanit dhe një treshe e muzikës popullore, Madrid, Spanjë, 22 janar 2025. /CMG  

Ambasadori i Kinës në Spanjë Yao Jing, gjithashtu foli në këtë event duke theksuar frymën e unitetit, harmonisë dhe lumturisë së Festës së Pranverës. Ai theksoi se ndjekja e Galasë së Festës së Pranverës së CMG-së, është bërë një traditë thelbësore për familjet kineze që festojnë Vitin e Ri Kinez. Yao ftoi vizitorët globalë që të vizitojnë Kinën dhe të përjetojnë trashëgiminë e pasur kulturore të Kinës. 

Zurab Pololikashvili, Sekretari i Përgjithshëm i Organizatës Botërore të Turizmit në OKB, përgëzoi CMG-në për organizimin me sukses të eventit dhe shprehu urimet e tij për Vitin e Ri. Ai shprehu gjithashtu besimin se falë njohjes globale, Festa e Pranverës do të vazhdojë të bashkojë njerëzit e të gjitha kulturave në një festë të përbashkët. 

Në aktivitet performuan artistë të Chongqingut, të cilët interpretuan "Fytyra që ndryshon" e Operas Sichuan, si edhe një treshe e muzikës popullore. 

CMG shfaqi gjithashtu edhe premierën e klipit promovues të Galasë së Festës të Pranverës 2025, si edhe programin kulturor "Trashëgimitë kulturore jomateriale të Kinës".