Foto nga CMG

Sipas kohës vendore, të enjten u mbajt në Nju Jork të ShBA-së aktiviteti “Preludi i Galasë së Festës së Pranverës - Shikimi Global i Galasë së Festës së Pranverës” i Grupit Mediatik të Kinës(CMG).

Shen Haixiong, zv/Ministri i Departamentit të Promovimit të Komitetit Qendror të PKK-së dhe Kryetari i CMG-së, mbajti një videofjalim. 

Ambasadori kinez në ShBA Xie Feng, Përfaqësuesi i Përhershëm i Kinës në Kombet e Bashkuara Fu Cong, Presidenti i Komitetit Kombëtar për Marrëdhëniet ShBA-Kinë Stephen Orlins ishin të pranishëm dhe mbajtën fjalime në këtë aktivitet. 

Ndihmës Drejtori i Përgjithshëm për Kulturën në UNESCO, Ernesto Renato Ottone Ramirez përmes një videomesazhi përgëzoi Kinën për aplikimin e suksesshëm të Festës së Pranverës për statusin e Trashëgimisë Botërore. 

Afro 200 të ftuar, duke përfshirë ambasadorë në Kombet e Bashkuara, diplomatë dhe miq nga të gjitha sferat e jetës, morën pjesë në këtë aktivitet. 

Ngjarja speciale e CMG-së jashtë vendit “Preludi i Galasë së Festës së Pranverës - Shikimi i Galasë së Festës së Pranverës nëpër botë” ka filluar. 

Foto/CMG: zv/Ministri i Departamentit të Promovimit të Komitetit Qendror të PKK-së dhe Kryetari i CMG-së, Shen Haixiong

Në fjalimin e mbajtur në këtë aktivitet, Kryetari i CMG-së Shen Haixiong u shpreh se Festa e Pranverës është një nga festat tradicionale më të rëndësishme të kombit kinez dhe një ngjarje madhështore e integrimit të larmishëm të kulturës kineze. Ajo mbart emocionet e thella dhe konotacionet kulturore të bashkimit familjar, paqes, prosperitetit kombëtar dhe harmonisë midis njeriut dhe natyrës. Sot, Festa e Pranverës po njihet dhe po pëlqehet në të gjithë botën, ku rreth një e pesta e popullsisë së botës e feston Festën Pranverës në forma të ndryshme. Jo vetëm që Festa e Pranverës është bërë një festë e Kombeve të Bashkuara, por vitin e kaluar ajo u rendit edhe si një trashëgimi kulturore jomateriale e njerëzimit. Galaja e Festës së Pranverës të CMG-së është mbajtur për 42 vjet rresht dhe është kthyer sot në programin televiziv kulturor dhe artistik më të ndjekur të Vitit të Ri në botë. Si Galaja e parë e Festës së Pranverës të CMG-së pas aplikimit të suksesshëm për statusin e Trashëgimisë Botërore, shfaqja e këtij viti do t'i japë lojë të plotë avantazheve të CMG-së në 82 gjuhë. Ajo do të përdorë arritjet e inovacionit teknologjik “5G+4K/8K+teknologjisë artificiale”, për të sjellë “gëzim” për audiencën brenda dhe jashtë Kinës.

 “Ftojmë sinqerisht publikun nga e gjithë bota që t'i bashkohen kësaj feste madhështore kulturore dhe audiovizuale. Shpresojmë që përmes galasë, kinezët që jetojnë larg në vende të huaja të mund të ndjejnë ngrohtësinë e shtëpisë dhe më shumë miq ndërkombëtarë të mund ta ndajnë këtë festë kulturore me një shije të fortë kineze”, shtoi Shen. 

Foto/CMG: Ambasadori kinez në ShBA Xie Feng

Xie Feng tha se Festa e Pranverës e ka origjinën në Kinë, por gëzimi i saj po përhapet në të gjithë botën. Përballë një bote plot ndryshime dhe kaos, njerëzit e të gjitha vendeve janë më të vendosur për të ndjekur zhvillimin paqësor. Thirrja e tyre për unitet dhe bashkëpunim është më e fortë, gjë që është në përputhje me thelbin shpirtëror të paqes dhe harmonisë që përmban Festës së Pranverës. Ai falënderoi CMG-në për organizimin e aktivitetit “Preludi i Galasë së Festës së Pranverës” në Shtetet e Bashkuara, e cila hapi një dritare për miqtë amerikanë për të kuptuar Kinën, ndërtoi një urë për kinezët dhe amerikanët të njihen më mirë me njëri-tjetrin.

Foto/CMG: Përfaqësuesi i Përhershëm i Kinës në Kombet e Bashkuara Fu Cong

Fu Cong tha se ishte shumë i lumtur që mori pjesë në këtë aktivitet të organizuar nga CMG-ja, për të mirëpritur ardhjen e Vitit të Gjarprit me të gjithë. Kohët e fundit, “Festa e Pranverës - praktika sociale e kinezëve që festojnë Vitin e Ri tradicional” u përfshi në Listën Përfaqësuese të Trashëgimisë Kulturore Jomateriale të Njerëzimit nga UNESCO. Kjo i tregoi edhe një herë botës sharmin kulturor të Festës së Pranverës që është përcjellë prej mijëra vitesh dhe e pasuroi më tej rëndësinë globale të Festivalit të Pranverës.

Foto/CMG: Presidenti i Komitetit Kombëtar për Marrëdhëniet ShBA-Kinë Stephen Orlins

Orlins tha se ishte shumë i lumtur që merrte pjesë në aktivitetin “Preludi i Galasë së Festës së Pranverës” të CMG-së për të dytin vit radhazi. Gjatë gjysmë shekullit të kaluar, marrëdhëniet ShBA-Kinë kanë vazhduar të zhvillohen, duke përfituar të dy vendet dhe mbarë bota. Në vitin e ri, ai u shprehu urimin që marrëdhëniet mes dy vendeve të zhvillohen në mënyrë të qëndrueshme dhe përshëndeti të gjithë për Vitin e Ri Kinez. 

Foto/CMG: Ndihmës Drejtori i Përgjithshëm për Kulturën në UNESCO, Ernesto Renato Ottone Ramirez

Në videofjalimin e tij, Ernesto Renato Ottone Ramirez uroi Kinën për aplikimin e suksesshëm të Festë së Pranverës për statusin e Trashëgimisë Botërore dhe vlerësoi përpjekjet e Kinës për të mbrojtur trashëgiminë e saj kulturore jomateriale. Ai tha se Festa e Pranverës nuk është vetëm një festë tradicionale kineze, por edhe një simbol i kulturës kineze, duke interpretuar gjallërisht vlerat e përbashkëta njerëzore si harmonia familjare, përfshirja sociale dhe marrëdhëniet e mira midis njeriut dhe natyrës.

Foto/CMG: Performanca e Korit të Fëmijëve të Nju Jorkut

Këngëtarja amerikane e shurdhër Mandy Harvey performon me studentët me dëmtim të dëgjimit. 

Këngëtarja amerikane e shurdhër Mandy Harvey performon me studentët me dëmtim të dëgjimit. 

Foto/CMG: Vallja e Vitit të Gjarprit

Foto/CMG: Fëmijët kinezë dhe amerikanë këndojnë së bashku

Foto/CMG: Shfaqja e modës e Vitit të Ri Kinez "Stili Kombëtar".

Foto/CMG: Në këtë aktivitet u zbuluan produkte kulturore e kreative të Festës së Pranverës të CMG-së

Bëhet e ditur se aktiviteti special i CMG-së “Preludi i Galasë së Festës së Pranverës - Shikimi Global i Galasë së Festës së Pranverës jashtë Kinës” do të mbahet gjithashtu në Kenia, Spanjë, Brazil, Australi, Francë, Rusi, Emiratet e Bashkuara Arabe dhe vende të tjera në të ardhmen e afërt.