foto nga CMG

Grupi Mediatik i Kinës përfundoi të premten provën e dytë për Galanë e Festës së Pranverës 2025. Falë përmirësimeve të mëtejshme, numrat e programit janë bërë më të pjekur dhe lidhjet midis tyre më organike. Inovacionet janë zbatuar në shfaqjen artistike, në dizanjimin e arenës dhe në transmetimin për grupet me aftësi të kufizuar fizike.

foto nga CMG

Arena e kësaj galaje është në formë "Ruyi", një mjet që simbolizon mbarësinë, që lidh teatrin me vendet e shikuesve, duke u dhuruar hare dhe mbarësi shikuesve. Shumë teknologji të reja, si VR, 3D pa syze, projeksione me qartësi super të lartë etj. do të përdoren plotësisht në arenën e kësaj galaje.

foto nga CMG

Në një program me këngë e valle me temën e "zarfit të kuq", gërshëtohen shumë elementë folklorikë. Teksa kori i vajzave nga mali Daliangshan do të performojë, arena do të shndërrohet në një hapësirë të gjerë kozmike, ndërmjet teknologjisë VR.

Në galanë e sivjetme, do të shtohet edhe një rol si "publik i Galasë së Festës së Pranverës". Shumë kinezë të thjeshtë që merren me punë të ndryshme, do të ftohen të ndjekin galanë në arenë dhe prapa saj.

foto nga CMG

Parukierja nga provinca Hunan, Xiaohua, e njohur në rrjetin social kinez për mjeshtrinë dhe mirëkuptimin e kërkesave të klientëve, u ftua si "parukiere e posaçme" për galanë e këtij viti.

Sivjet Galaja do të transmetohet për herë të parë në versionet për publikun me aftësi të kufizuar pamore dhe dëgjimore, për mbi 45 milionë persona të tillë në mbarë vendin.

foto nga CMG