Artisti Luiz Ejlli  është duke punuar për disa këngë të reja, ndërsa katër këngë janë gati për t’u publikuar, ndër to edhe bashkëpunimi me këngëtaren Teuta Selimi. Këngëtari i njohur shkodran Ejlli, e ka bërë publik këtë lajm nëpërmjet rrjeteve sociale. Gjithashtu ai ka theksuar se meqë po vjen shtatori, me ndryshimin e kohës do të vijnë edhe këngë të një tjetër zhanri muzikor, do të jetë koha për baladat.  Ai ka treguar se do të vijë në bashkëpunim me  këngëtaren Teuta Selimi. Për këtë, ai ka falënderuar këngëtaren e njohur Fifi, e cila ka shkruar tekstin dhe ka bërë muzikën e këtij projekti. Luizi shkruan; “Me ardhjen e shtatorit, vijnë edhe shirat. Po në të njëjtën kohë vijnë edhe baladat, unë i kam të mbaruara mbi katër këngë. Është një duet me Teuta Selimin, teksti  nga Fifi, muzika 90 përqind Fifi dhe 10 përqind unë”, përfundon këngëtari  Luiz Ejlli.