Foto nga CFP

Pak pas organizimit të Olimpiadës, në Paris nisi të enjten Paralimpiada e vitit 2024 me një ceremoni madhështore hapjeje që zgjati pothuajse katër orë. 

Me perëndimin e diellit në sfond, mijëra sportistë marshuan nga bulevardi "Champs-Elysees" për në "Place de la Concorde" në qendër të Parisit, ku presidenti francez Emmanuel Macron deklaroi zyrtarisht hapjen e Lojërave Paralimpike. 

Ceremonia u zhvillua jashtë, ashtu si edhe hapja e Olimpiadës në korrik. Gjatë saj, avionët luftarakë u ngritën lart në qiell, duke lënë gjurmë tymi të kuq, të bardhë dhe blu si ngjyrat e flamurit francez. Delegacionet hynë në shesh sipas rendit alfabetik. 

Një numër rekord prej rreth 4 400 sportistësh nga 168 delegacione do të konkurrojnë në 22 sporte gjatë Lojërave 11-ditore deri më 8 shtator. Ky vit shënon debutimin në Lojërat Paralimpike të Kosovës, Eritresë dhe Kiribatit. 

Kina ka dërguar një kontingjent prej 284 sportistësh, 126 meshkuj e 158 femra, që do të konkurrojnë në 302 kategori të 19 sporteve, ndërsa 95 prej këtyre sportistëve marrin pjesë për herë të parë në paralimpiadë.