Ledri Vula dhe Elvana Gjata  (Foto nga videoklipi i kenges Shhh .. ne youtube)

Ledri Vula dhe Elvana Gjata  (Foto nga youtube)

Elvana Gjata dhe Ledri Vula kanë prezantuar para disa ditësh këngën e tyre të re me videoklip me titullin “Shhh”. Të dy artistët vijnë gjatë kësaj vere me bashkëpunime mjaft të suksesshme. Pas duetit të këngës “No Love”, e publikuar në fillim të muajit qershor, ata arritën t’i kalonin 32 milionë klikime. Tashmë dyshja vjen me një tjetër bashkëpunim të fuqishëm, i cili sapo u publikua, i kaloi 2 milion klikime. Teksti dhe muzika janë realizuar nga Irkenc Hyka, në bashkëpunim me të dy këngëtarët.

Bebe Rexha (Foto nga instagrami)

Bebe Rexha  prezanton klipin e këngës “I’m The Drama”

Bebe Rexha prezantoi  klipin e këngës “I’m The Drama”, e cila edhe në videoklip e sjell  si një ‘drama queen’. Artistja me origjinë shqiptare, Bebe Rexha shfaqet mjaft provokuese në videoklip, ku  shihet jo vetëm bukuria e saj, por edhe aftësitë si një performuese shumë energjike. Kënga është publikuar në versionin audio pak javë më parë, duke u bërë menjëherë një hit. Pritet që “I’m The Drama” të jetë një prej këngëve kryesore të albumit të saj të katërt, një nga projektet për të cilin pritet që të japë së shpejti detaje.

Young Zerka  (Foto nga instagrami)

“Panakota”, kënga e re nga  Young Zerka

Artisti i mirënjohur shqiptar Young Zerka, ka qenë mjaft produktiv gjatë këtij viti. Ai ka prezantuar  më 15 gusht këngën e tij të re “Panakota” në bashkëpunim  me Petro Xhorin. Muzika është realizuar nga Jeris Kaso, producent është Alandy, ndërsa videoklipi është realizuar nga Max Production. Këngëtari Young Zerka  është një ndër artistët me zërin dhe stilin e tij të veçantë në muzikën shqiptare. Ai ka patur shumë bashkëpunime me artistë të njohur të muzikës shqiptare dhe më e afërta gjatë kësaj vere është kënga “Makarena” në bashkëpunim me këngëtaren Fifi. 

Përgatiti Sava Lena