Bruno i grupit Revolt Klan (Foto nga instagrami)

Këngëtari vlonjat Bruno i grupit Revolt Klan nuk ndalet me bashkëpunimet e tij gjatë këtij sezoni veror. Ai ka publikuar bashkëpunimin e tij të ri me këngëtaren e mirënjohur  labe, Poni. Kënga e tyre e re është mjaft ritmike dhe u përqafua menjëherë nga publiku. “Një herë po, një herë jo” mban titullin kënga, e realizuar nga kompozitori Edlir Begolli. Xhirimet e videoklipit janë realizuar në jug të Shqipërisë, duke shfaqur bukuritë natyrore dhe kulturën e pasur dhe  duke i dhënë këtij projekti shumë ngjyra. Bruno ka realizuar disa bashkëpunim këtë vit, madje disa edhe brenda disa ditëve. Ai e nisi fillimisht me bashkëpunimin me këngëtaren Albërie Hadërgjonaj, më pas me një tjetër projekt të veçantë me Luiz Ejllin, Lumi B dhe Naldin dhe këtë herë vjen në bashkëpunimin me këngëtaren Poni. Kënga “Një herë po, një herë jo” është pritur mjaft mirë nga publiku.