Arkeologe Wang Rui / foto nga CMG
Rrënojat Sanxingdui, që ndodhen në Deyang të provincës Sichuan të Kinës Jugperëndimore e që përfaqësojnë qytetërimin e lashtë shu, me një histori mijëravjeçare, janë rrënojat e një kryeqyteti përgjatë rrjedhës së lumit Jance, me sipërfaqen më të madhe dhe me përmbajtjet më të pasura kulturore. 28-vjeçarja Wang Rui ka punuar këtu për afro katër vjet me radhë, si anëtare e ekipit të gërmimeve arkeologjike të rrënojave Sanxingdui.
Më 6 shtator 2020 nisi gërmimi i dytë i rrënojave Sanxingdui, 34 vjet pas gërmimit të parë, më 1986. Pikërisht me këtë rast, një kontingjent të rinjsh, si Wang Rui, morën pjesë në punët arkeologjike në këto rrënoja.
Wang Rui punoi në rrënojat Sansingdui / foto nga CMG
Wang Rui e përshkruan punën e vet si hapja e një të ashtuquajture "kutie të verbër", duke thënë se vetëm duke e përjetuar nga afër mund të ndiejë gëzim.
"Është si të hapësh një 'kuti të verbër'. Këtu rriten kolza vajëse, aty oriz. Tokat duken njësoj, por kur e heq dheun në sipërfaqe, zbulon ndoshta gjëra të mbetura nga dinastia Song, ndoshta nga dinastia Han, apo Shang e Zhou, e madje dhe nga periudha neolitike. Gjërat e poshtme nuk janë njësoj. Është shumë interesante. Mbaj mend që presidenti Xi ka thënë se edhe ai kishte dëshirë të studionte arkeologji."
Wang-u i referohet një fjalimi të presidentit Xi Jinping në një mbledhje, ku ai tha që, kur ishte i ri, po përgatitej të studionte arkeologji, por nuk e arriti këtë ëndërr. "Arkeologjia është një fushë që kërkon shumë shpenzime. Në të kaluarën nuk ishim të pasur, por tani duhet të investojmë më shumë në këtë fushë dhe të nxitim punën arkeologjike," u shpreh ai.
Relikti nga rrënojat Sanxingdui / foto CMG
Gjatë mbi 10 vjetëve të fundit, presidenti Xi i ka kushtuar shumë rëndësi punës arkeologjike dhe mbrojtjes së relikteve. Një artikull i publikuar në vitin 2021 mbi mungesën serioze të punonjësve arkeologjikë ngjalli vëmendjen e presidentit. Pas leximit të këtij artikulli, ai dha udhëzime për zgjidhjen e problemeve përkatëse. Ai theksoi se duhet të përgatiten më shumë talente arkeologjikë dhe të tërhiqen më shumë të rinj që ta dashurojnë dhe të jepen pas punës arkeologjike. Fjalët e presidentit Xi frymëzuan shumë arkeologë të rinj si Wang Rui.
"Qysh kur vendi nisi t'i kushtojë rëndësi arkeologjisë, institutet arkeologjike kryesore të Kinës filluan të pranonin më shumë studentë dhe pati më shumë raste punësimi. Më vonë, kur fillova punë, ndjeva përkrahjen e ndryshme me politika ndaj të rinjve, duke përfshirë mësimin e të rinjve nga arkeologët e brezit të vjetër."
Pallati i Muzeut të Sanxingdui-t / foto nga CMG
Një ditë në verën e vjetshme, presidenti Xi inspektoi pallatin e ri të Muzeut të Sanxingdui-t dhe u njoh hollësisht me reliktet e rëndësishme të zbuluara në këto rrënoja. Ndër reliktet që pa ai, disa ishin nxjerrë nga Wang Rui dhe kolegët e saj. Kur kujtoi atë vizitë të kreut të shtetit, Wang tregoi shumë e emocionuar:
"Presidenti Xi vuri në dukje se rezultatet arkeologjike lidhur me Sanxingdui-n janë të shkëlqyera në botë. Ai tha se përpjekjet tona nuk shkuan kot. Fjalët e tij na bënë të ndiejmë vlerën e punës sonë."
Relikti nga rrënojat Sanxingdui / foto CMG
Ashtu siç tha presidenti Xi: "Jemi në kohën kur ndodhemi më afër rilindjes së kombit kinez. Kemi më shumë vetëbesim. Mënyra e mendimit të njerëzve ka të bëjë me gjenin tonë kulturor pesëmijëvjeçar. Thesaret tona duhet të identifikohen nga ne vetë. Nuk mund t'i shpërfillim."
Wang Rui punoi në rrënojat Sansingdui / foto nga CMG
