Foto nga Xinhua
Më 6 maj u mbyll në Francë mbledhja e 6-të e Këshillit të Sipërmarrësve Kinë-Francë. Në ceremoninë e mbylljes, fjalimi i rastit nga kryetari i shtetit i Kinës Xi Jinping me titull “Vazhdimi i së kaluarës dhe hapja e së ardhmes, nisja e përbashkët e epokës së re të bashkëpunimit Kinë-Francë" ka tërhequr vëmendjen e qarqeve të ndryshme të Francës dhe është pritur ngrohtë.
Sivjet është 60-vjetori i vendosjes së marrëdhënieve diplomatike mes Kinës e Francës dhe gjatë këtyre vjetëve, të dy vendet kanë pasur bashkëpunim në sektorë të shumtë, si industria, tregtia dhe energjetika.
Këtë herë, vizita shtetërore e kryetarit Xi Jinping në Francë ka dëshmuar jo vetëm arritjet dypalëshe gjatë viteve të kaluara, por edhe i ka sjellë hov të ri bashkëpunimit dypalësh në fusha si ekonomia, bujqësia, industria, shkëmbimet kulturore dhe konsumi i mallrave. Kjo në fakt është gjallëri e re për fazën e ardhshme të marrëdhënieve Kinë-Francë.
Kryetari ekzekutiv i kompanisë franceze "Danone" Antoine de Saint-Affrique u shpreh: “Fjalët e kryetarit Xi Jinping kanë krijuar një hartë të bukur dhe premtuese për marrëdhëniet kino-franceze. Jemi të bindur që marrëdhëniet e mira Kinë-Francë do të krijojnë më shumë raste zhvillimi për ndërmarrjet franceze, si 'Danone'.”
Foto nga VCG
Në vitin 2023, me nxitjen e liderëve të të dy vendeve, Kina dhe Franca kanë krijuar mekanizmin "Nga fermat franceze në tryezat kineze", çka ka përshpejtuar hyrjen e produkteve bujqësore franceze në familjet kineze.
Gjatë vizitës së Xi-në Francë, dy vendet nënshkruan një deklaratë të përbashkët mbi shkëmbimet e bashkëpunimin bujqësor, duke u shprehur të gatshme të vazhdojnë të shtojnë bashkëpunimin dypalësh në fushën e bujqësisë e ushqimeve. Pala franceze shprehu vlerësimin për mekanizmin e koordinimit të shpejtë "Nga fermat franceze në tryezat kineze" dhe përshëndeti marrëveshjen e bashkëpunimit rajonal mbi gripin e shpendëve për garantimin e sigurisë në tregjet ushqimore dhe sigurisë së produkteve të shpendarisë, zgjerimin e listës së produkteve të mishit të derrit që eksportohen në Kinë edhe me organet e brendshme të derrit, si edhe nënshkrimin e protokollit mbi ushqimin proteinik për rritjen e derrave.
Foto nga CMG
Duke dëgjuar përmendjen e mekanizmit të bashkëpunimit bujqësor në fjalimin e kryetarit Xi, kryezyrtari ekzekutiv i kompanisë franceze "Savencia", Olivier Delamea, shprehu besimin e plotë për biznesin e kësaj firme në tregun kinez. “Kjo vizitë do të krijojë kushte të mira për bashkëpunim ekonomik e tregtar mes dy vendeve. Edhe në të ardhmen, do të vazhdojmë të thellojmë biznesin tonë në tregun kinez dhe të ofrojmë më shumë ushqime që përshtaten me kulturën kineze,” tha Olivier Delamea.
Shkëmbimet njerëzore dhe kulturore luajnë rol të pazëvendësueshëm në marrëdhëniet kino-franceze. Me lehtësimin e shpejtë të lëvizjes së njerëzve prej të dy vendeve, banorët e Kinës dhe Francës po bëjnë lëvizje dhe shkëmbime gjithnjë e më të shpeshta. Sipas të dhënave të Administratës Shtetërore të Imigracionit të Kinës, qysh prej 1 janarit 2024, numri i shtetasve francezë që janë futur në Kinë është rritur me 294.71 % krahasuar me vitin 2023. Ndërsa shtetasit kinezë që dolën jashtë vendit për të shkuar në Francë janë shtuar me 215.28% po gjatë së njëjtës periudhë.
Foto nga VCG
Në fjalimin e tij, kryetari Xi shpalli që "Kina ka marrë vendim të zgjatë politikën e heqjes së vizave për shtetasit e 12 vendeve, përfshirë Francën, deri në fund të vitit 2025".
Për këtë vendim stimulues nga pala kineze, presidenti i grupit turistik "Club Med", Giscard d’Estaing, tha që kjo do të tërheqë më shumë turistë europianë, duke përfshirë ata francezë, të shkojnë në Kinë. “Sivjet është Viti i Kulturës dhe Turizmit Kinë-Francë, si edhe viti i Lojërave Olimpike të Parisit. Parashikojmë që edhe shumë turistë kinezë do të vijnë në Francë. Kjo është një mundësi shumë e mirë për shtimin e shkëmbimeve kulturore dhe besimit të ndërsjellë mes dy popujve,” u shpreh Giscard d’Estaing.
Për 60 vjet, Kina dhe Franca kanë pasur zhvillim mjaft të madh në bashkëpunimin ekonomik. Tani, vëllimi i tregtisë Kinë-Francë është 800 herë më shumë se në fillim të vendosjes së marrëdhënieve diplomatike, duke arritur në 78.9 miliardë dollarë. Krahas kësaj, edhe niveli i investimeve të përgjithshme dypalëshe i ka kaluar 26 miliardë dollarët. Më shumë se 2 mijë ndërmarrje franceze po bëjnë thellësisht biznes në tregun kinez dhe Kina është bërë partnerja më e madhe tregtare e Francës jashtë Bashkimit Europian, ndërsa Franca është partnerja kryesore e Kinës në BE.
Foto nga VCG
Për arritjet e bashkëpunimit mes dy vendeve, sipërmarrësit mendojnë gjerësisht që Kina ka treguar sinjale pozitive dhe qëndrimin e hapjes për më shumë bashkëpunim e mundësi biznesi dhe besojnë që, në të ardhmen, Franca dhe Kina së bashku do të ecin më larg.
Presidenti i grupit "L’Oreal", Jean-Paul Agon, u shpreh që bashkëpunimi miqësor mes Francës dhe Kinës ka hapur një kapitull të ri.“Jemi më të vendosur se kurrë më parë që të japim kontribut për zhvillimin e koordinuar të të dy vendeve,”tha ai. (Jiang Lei)
