Video Festivali IV Ndërkombëtar i Gjuhës Kineze u zhvillua në Pallatin e Kombeve/ foto CMG

Grupi Mediatik i Kinës (CMG), kompania mëmë e CGTN, kremtoi Ditën e Gjuhës Kineze të OKB 2024 me një Video Festival.

Festivali IV Ndërkombëtar i Videove në Gjuhës Kineze u zhvillua të martën në Pallatin e Kombeve të Gjenevës, bashkërisht nga CMG, Zyra OKB në Gjenevë dhe Misioni i Përhershëm i Repubikës Popullore të Kinës në OKB në Gjenevë.

Mbi 300 të ftuar, përfshirë Tatiana Valovaya, Drejtore e Përgjithshme të OKB në Gjenevë, Ambasadorin Chen Xu, Përfaqësues i Përhershëm i Kinës në Gjenevë, morën pjesë në këtë festival, së bashkëku me diplomatë, zyrtarë dhe përfaqësues të rinjsh nga organizata ndërkombëtare.

Festivali i këtij viti bëri thirrje për prodhimet video nga mbarë bota nën temën: "Të Rinjtë Bashkohen për Një Botë më të Mirë".

Tatiana Valovaya (në mes), Drejtore e Përgjithshme të OKB në Gjenevë u ul së bashku me Ambasadorin Chen Xu (djathtas) dhe Ambasadorin Shen Jian (majtas)/ foto CMG

"Frymëzuar nga tema e 'Rinisë', Festivali IV i Videove në Gjuhën Kineze i CMG-së, fton miqtë në mbarë botën, që janë të apasionuar pas kulturës kineze, të përdorin videot për të festuar përfitimet dhe gjallërinë e multikulturalizmit," tha Shen Haixiong, Drejtor dhe Kryeredaktor i CMG-së.

"Nëpërmjet mbjelljes së farave të gjuhës kineze, shpresojmë të korrim frytet e mirëkuptimit të ndërsjellë të qytetërimeve, sëbashku me miqtë në mbarë botën."

Shen Haixiong, Drejtor dhe Kryeredaktor i CMG-së / foto CMG

"Gjuha nuk është thjesht një mjet komunikimi; ajo shërben edhe si një mjet për transmetimin e njohurive, një urë midis njerëzve, një gur themeltar i njerëzimit tonë të përbashkët," tha Tatiana Valovaya, Drejtore e Përgjithshme e Zyrës së Kombeve të Bashkuara në Gjenevë. "Le të admirojmë bukurinë dhe fuqinë e gjuhës dhe artit kinez. Le të festojmë kontributet e tyre në trashëgiminë kulturore globale dhe të frymëzohemi për punën kolektive drejt një të ardhmeje gjithëpërfshirëse, paqësore dhe të qëndrueshme."

"Nëse të rinjtë në mbarë botën kanë ëndrra dhe premtime, do të ketë një të ardhme për njerëzimin dhe shpresë për zhvillimin e çështjes së lartë të paqes," tha Ambasaori Chen Xu, Përfaqësues i Përhershëm i Kinës në Gjenevë.

"Ne duhet t'i shikojmë qytetërimet e ndryshme nga perspektiva e barazisë, gjithëpërfshirjes dhe miqësisë, t'i trajtojmë ato me vlerësim dhe mësim të ndërsjellë, për të nxitur respektin reciprok dhe bashkekzistencën harmonike."

Më shumë se 1000 video nga 47 vende dhe rajone konkurrojnë në festivalin e këtij viti. Festivali ka ngritur tetë kategori me 18 çmime, duke përfshirë Çmimin e Videos më të Mirë të Shkurtër, Çmimin e Publikut dhe Çmimin Special për Ambasadorët e Rinj Kulturorë.

Fituesit do të dekorohen me një udhëtim në Kinë këtë verë, ku do të shijojnë mundësinë për të eksploruar traditat dhe vendet e saj, si ambasadorë të rinj të kulturës.

Ameen nga Iraku vlerëson artin e skulpturës në miniaturë / foto CMG

Një koncert folklorik kinez nga muzikantë të rinj nga provinca Hunan dhe një shfaqje krijuese e hieroglifeve kineze me teknologjinë digjitale nga artistë të rinj nga qyteti Nankin, po organizohen gjithashtu në Pallatin e Kombeve.

Folkloristi Alexius Borgstrom nga Suedia ndjen bukurinë e veshjeve Han/ foto CMG

Orari i kësaj ngjarjeje vjen nga "Guyu", që do të thotë "Shiu i Grurëve", që është e gjashta ndër 24 fazat stinore në kalendarin tradicional të Azisë Lindore, në nder të Cangjie, krijuesi i hieroglifeve kineze sipas gojëdhënieve. (Wang Lei/ Elona)