Foto nga VCG
Më 18 prill u mbyll në Hainan të Kinës Jugore, Ekspozita IV Ndërkombëtare e Produkteve të Konsumit. Në ekspozitën e këtij viti përmasat u zgjeruan më tej. Ndërkohë u organizuan dhe shumë aktivitete offline dhe online, për lidhjet dhe kontaktet mes ofertave dhe kërkesave.
Siç mësohet, këtë herë, morën pjesë shitës e blerës nga e gjithë bota. U ekspozuan produkte dhe mallra cilësore për konsum, gjë që solli gjallërimin e mëtejshëm të konsumit, duke dhënë një kontribut për rritjen ekonomike të Kinës.
Një aktivitet simbolik në ekspozitën e sivjetshme ishte “Programi global i produkteve të reja”, ku u grumbulluan 28 institucione dhe platforma, brenda e jashtë Kinës. U ekspozuan 115 produkte të reja nga 38 marka të njohura në kozmetikë, bizhuteri, pije alkolike, ushqime cilësore, teknologji elektronike, bioteknologji dhe lojëra moderne.
Foto nga VCG
Përveç produkteve të njohura, disa kompani ekspozuese morën pjesë edhe me një grup produktesh të reja. P.sh: Grupi Greenland Global Commodity Trading Hub krijoi pavionin e posaçëm global Greenland, ku u shfaqën mbi dy mijë produkte të 100 markave globale, nga 30 vende të ndryshme. Produkte prej qelqi nga Siria, fosile nga Kanadaja, qoftë mishi nga Mongolia, lëkurë gamilje nga Pakistani, byzylykë nga Afrika e Jugut, veshje me qëndisma nga Uzbekistani, u paraqitën për herë të parë në këtë ekspozitë ndërkombëtare.
Vlen të përmendet që si pjesë e programit global për produktet e reja, u organizua një ekspozitë offline me temë 'X Land', ku u vendosën 5 ishuj ekspozues. Në këtë ekspozitë, vizitorët dhe konsumatorët përjetuan një eksperiencë të plotë, në ambiente të posaçme fantastike.
Kësaj rradhe, sipërfaqja e pavioneve në ambientet e brendshëm ishte 128 mijë metra katrorë, shumë më e madhe se në edicionet e kaluara.
Në të u ekspozuan mbi 4000 marka nga 71 vende e rajone të botës. Anglia, Mongolia dhe Malajzia morën pjesë për herë të parë. 57 kompani nga TOP500 kompanitë e botës, ishin pjesëmarrëse. Për herë të parë u ekspozuan mbi 80 marka vendase dhe ndërkombëtare, të cilat mbulojnë sektorët e shëndetësisë, kozmetikës dhe teknologjisë elektronike.
Foto nga VCG
Irlanda, si mikpritëse nderi në këtë ekspozitë, mori pjesë me 29 kompani dhe institucione, që ekspozuan mbi 200 produkte nga 50 marka irlandeze. Në pavionin e Irlandës, vizitorët mund të gjenin produkte tradicionale dhe moderne irlandeze, ndërkohë në arenën qëndrore mund të ndiqnin vallën origjinale iralandeze 'Tap Dance'.
Zv/Kryetari i provincës Hainan, Chen Huaiyu, tha se në këtë ekspozitë u regjistruan mbi 55 mijë blerës nga vende të ndryshme. Falë politikës VISA FREE në portin e të Hainanit, për tregtinë e lirë për 59 vende, përgjegjësit e mbi 100 kompanive të huaja nga 10 vende, si Anglia, Singapori, Koreja e Jugut dhe Japonia, morën pjesë në aktivitetet tregtare për konsultimet dhe nënshkrimet e kontratave.
Foto nga VCG
Drejtori i Zhvillimit Ekonomik Ndërkombëtar i Hainanit, Tang Hua u shpreh: "Në këtë ekspozitë u krijua platforma e përhershme tregtare 'online+offline'. Pas ekspozitës, falë politikave favorizuese në tatime dhe zhdoganim, produktet e ekspozuara do të kalohen në zonat me tarifa të caktuara, ku do të bëhen shitjet sipas modelit 'shfaqja e produkteve + tregtia ndërkombëtare elektronike'. Produktet me ekspozim të përkohshëm, do të shndërrohen në produkte me shitje të përhershme. Në këtë mënyrë, do të kthehet në një ekspozitë të orientuar nga një treg që nuk mbyllet kurrë.”(Jiang Lei)
