Foto nga VCG
Data 4 prill këtë vit përkon me Festivali Qingming, kur njerëzit do të kenë 3 ditë pushim. Në prag të kësaj periudhe 3-ditore, konsumatorët dhe biznesmenët kanë filluar përgatitjet, për të pritur këtë rast të mirë pushimi dhe konsumi.
Të dhënat nga platformat turistike tregojnë që numri i udhëtarëve gjatë kësaj periudhe, do të rritet në krahasim me një vit më parë. Njerëzit në krahinat e ndryshme do të dalin jashtë për zakonet tradicionale, si shikimi i luleve, shijimi i çajit të ri, lojrat me balona dhe shëtitjet në periferi. Dhe sigurisht, këto zakone, do të nxisin nivelin e konsumit të vendit.
Festivali Qingming është një ditë tradicionale për pastrimin e varreve. Gjatë kësaj ditë, njerëzit bëjnë lutje dhe tregojnë respekt për paraardhësit që janë ndarë nga kjo botë.
Foto nga VCG
Krahas këtij zakoni tradicional, njerëzit i shfrytëzojnë ditët pranverore për shplodhje më të këndshme, si shikimi i luleve dhe mbledhja e çajit. Përveç këtyre, gjithnjë e më shumë njerëz udhëtojnë në periferi me makinë ose biçikleta.
Që prej fillimit të marsit, “ekonomia për shikimin e luleve” dhe “ekonomia pranverore” janë në ngritje të vazhdueshme. Me afrimin e festivalit Qingming, sipas të dhënave nga platformat turistike, ky vit do të jetë më i nxehtë se i shkuari. Në disa platforma, numri i porositjeve është dyfishuar nga viti 2023.
Në platformën turistike Fliggy, është krijuar një rubrikë e posaçme “Sezoni i luleve pranverore", që ka tërhequr mijëra produkte turistike, si kupona hotelesh dhe kombo turistike. Këto janë preferuar nga shumë konsumatorë. P.sh: kuponat e hoteleve për 2 netë, në 4 mijë hotelet e ofruara nga kompania Jinjiang Hotels, dhe kombo për 2 ditë e 1 natë në zonën turistike Nianhuawan të qytetit Wuxi, kanë patur mijëra parashitje online.
Përveç shikimit të luleve, mbledhja e çajit të freskët është një tjetër opsion. Sipas Fliggy.com, në festivalin Qingming, porositjet për mbledhjen e çajit, shijimin e tij dhe mësimin e kulturës, kanë patur rritje të madhe.
Në krahasim me javën e artë në Festën e Pranverës ose Ditën Kombëtare të 1 Tetorit, më shumë njerëz zgjedhin të bëjnë turizëm lokal për festivalin Qingming.
Foto nga VCG
Në qytetin Chongqing, turizimi lokal me distancë të vogël, ka patur paraporositje të mëdha. Krahas kësaj, agroturizimi është bërë opsioni i parë për qytetarët. Marrja me qera e makinave dhe blerja e mallrave të kampingut, kanë qenë një shans i mirë për biznesmenët. Shumica e kompanive i kanë dhënë të gjitha makinat e tyre, dhe shumë kompani kanë ngritur çmimet me rreth 20%.
Për të përballuar fluksin e udhëtimit, sektorët e transportit kanë bërë parapërgatitje në zonat dhe linjat kryesore turistike, duke shtuar linja të posaçme për turizëm lokal dhe linja të posaçme për lulet. Përveç këtyre, edhe sektori hekurudhor ka hapur trena të posaçëm turistikë me modelin "Treni ekspres+Turizëm", për të plotësuar më tej kërkesat e udhëtarëve.
Sipas parashikimeve, në stacionin hekurudhor të Chongqing-ut, fluksi do të jetë 2-fish më i madh se vitin e shkuar. Udhëtimi me trena ekspres, do të krijojë një modë të re me moton“Udhëtim i Shpejtë, Turizëm i Ngadaltë".
Foto nga VCG
Ushqimi është qielli. Në Kinë, panvarësisht sa larg udhëtojnë, ushqimi lokal është një tërheqje e madhe. Këto ditë, hotpoti pikant në Tianshui të Kinës Veriperëndimore, ka fituar mjaft famë në mbarë vendin. Të dhënat tregojnë se gjatë festivalit Qingming, porositë për turizëm në Tianshui, janë rritur 21 herë më shumë se një vit më parë, dhe gjysma e turistëve kanë lindur pas vitit 2000.
Liu është një turiste nga Chongqing. Ajo thotë: "Vitin e kaluar, shkova në Zibo për shishqebab. Këtë vit do të shkoj patjetër në Tianshui për hotpot. Kam bërë përgatitje dhe itinerar të hollësishëm. Presim vetëm nisjen e pushimeve.”(Jiang Lei)
