Foto nga VCG
Më 19 mars, Këshilli i Shtetit i Kinës publikoi planin e veprimeve për nxitjen praktike të hapjes ndaj nivelit të lartë dhe për tërheqje më të fuqishme të investimeve nga jashtë.
Në këtë plan theksohet se investimet e huaja janë fuqi e rëndësishme për modernizimin e Kinës, nxitjen e rritjes ekonomike dhe zhvillimin e ekonomisë kineze e botërore. Për tërheqjen dhe shfrytëzimin e sa më shumë investimeve të huaja, duhet zbatuar plotësisht koncepti i zhvillimit të ri, duhet krijuar klimë biznesi me orientim nga tregu, sundim nga ligji dhe globalizimi. Kjo mund të konsolidojë besimin e investitorëve të huaj për tregun kinez.
Plani përfshin 24 masa për 5 drejtime. Së pari, do të zgjerohen lejet për hyrje në treg dhe do të rritet liberalizimi i investimeve të huaja. Do të shkurtohet lista negative për investimet e huaja, do të shtohen pikët eksperimentale për investime të huaja në inovacion teknologjik, do të lehtësohet hyrja e institucioneve të huaja financiare në sektorin bankar dhe të sigurimeve, do të shtohet pjesëmarrja e institucioneve të huaja financiare në tregun vendas të bonove dhe do të zbatohet sistemi pilot për investim nga partnerët e huaj të kufizuar të kualifikuar (QFLP).
Së dyti, do të forcohet politika përkatëse dhe të shtohet tërheqja për investime të huaja. Për këtë, do të zgjerohet lista e sektorëve ku inkurajohen investimet e huaja dhe lista e projekteve me investim nga jashtë. Do të zbatohen në mënyrë praktike politika favorizuese tarifore, do të shtohet mbështetja financiare dhe të mbështeten transkalimet ose lëvizjet e sektorëve për në krahinat e mesme dhe perëndimore dhe për krahinat verilindore.
Foto nga VCG
Së treti, do të përmirësohet mjedisi për konkurrim të barabartë, dhe të ofrohen shërbimet e duhura për ndërmarrjet me investime të huaja. Do të zbatohen veprime dhe masa ekzistuese që shkelin konkurrim të barabartë, do të përmirësohet sistemi i ankandeve dhe të sigurohet pjesëmarrja e barabartë në caktimin dhe rregullimin e standardeve përkatëse. Ndërkohë, do të ngrihet niveli shkencor i administrimit dhe i zbatimit të ligjit, dhe të vazhdojë të krijohet marka "Investment in China", për të forcuar shërbimet për ndërmarrjet me investim të huaj.
Së katërti, duhet të lehtësohet lëvizja e elementeve inovative, të nxitet bashkëpunimi inovativ mes ndërmarrjeve vendase dhe atyre të huaja. Të mbështeten lëvizjet e të dhënave mes ndërmarrjeve me investim të huaj dhe selive të tyre, të lehtësohen shkëmbimet mes biznesmenëve ndërkombëtarë, të përmirësohet menaxhimi i lejeve të punës dhe të qëndrimit për të huajt dhe të mbështetet bashkëpunimi inovativ mes institucioneve vendase dhe të huaja.
Së pesti, do të përmirësohen rregullat vendase, me synim të integrohen më mirë rregullat tregtare ndërkombëtare me standard të lartë. Të shtohet mbrojtja e të drejtave të pronësisë intelektuale, të përmbushen rregullat për lëvizjen e të dhënave ndërkufitare, të nxiten aktivisht bisedimet dhe zbatimi i marrëveshjeve tregtare me nivel të lartë dhe të shtohet fuqia për integrim me rregullat tregtare ndërkombëtare me standard të lartë.
Në këtë projekt, është kërkuar gjithashtu që krahinat e ndryshme dhe sektorët përkatës, të veprojnë në mënyrë aktive, të fokusohen tek zbatimi i masave përkatëse dhe të shtojnë ndjenjat e marrjes për ndërmarrjet me investim të huaj.
"Duhen bërë më shumë përpjekje për përmirësimin e mjedisit dhe shërbimeve. Të trajtohen çështjet praktike të ndërmarrjeve me investime të huaja si fokus, dhe të zgjidhen problemet dhe mosmarrëveshjet me mendime inovative", u theksua në këtë plan të publikuar nga Këshilli i Shtetit.
Foto nga VCG
Për vullnetin e qeverisë kineze për hapjen e mëtejshme ndaj nivelit të lartë, ndërmarrjet kanë shprehur ndjenjat e tyre në këtë drejtim.
Presidentja e kompanisë Deloitte në Kinë, Jiang Ying u shpreh: "Në bisedime dhe shkëmbime me klientët tonë në botë, menaxherët e lartë dhe investitorët kryesorë mendojnë gjerësisht që Kina është një treg gjigant i pamënjanueshëm dhe mbetet ende një destinacion i nxehtë për tërheqjen e investimeve globale.”
Presidenti i grupit Yuexing, Ding Zuohong u shpreh që në Shangai kohët e fundit është publikuar Projekti 7.0 i veprimeve për përmirësimin e mjedisit të biznesit, çka është fokusuar tek kërkesat e ndërmarrjeve, tek zgjidhja e problemeve praktike dhe lehtëson funksionim më të mbarë të ndërmarrjeve të llojeve të ndryshme.
Foto nga VCG
"150 masat dhe shërbimet në këtë plan, kanë shpjeguar në mënyrë të gjallë konceptin e zhvillimit 'çdo person është mjedisi i biznesit dhe çdo punë është mjedisi i biznesit'. Kjo është në të mirë të stimulimit të gjallërive në treg dhe krijimtarisë në shoqëri, por gjithashtu do të shtojë tulla për zhvillim dhe lulëzim të Shangait,”u shpreh Ding.
Kryeekzekutivi i Azi-Paqësorit, pranë kompanisë spanjolle Gestamp, Antonio Lopez Arce u shpreh: "Kam jetuar në Shangai për 15 vjet dhe tani jam pjesë e këtij qyteti dhe këtij vendi. Si një pjesëmarrës kyç në ndryshimin e sektorit të automjeteve, Gestamp shpreh falenderime për ndihmën e sektorit qeveritar dhe po pret më shumë mundësi të reja.”
Foto nga VCG
Kryetari ekzekutiv i kompanisë Signify, Eric Rondolat u shpreh: "Vitet e fundit, Kina në përmirësimin e mjedisit të biznesit ka ofruar një perspektivë të qëndrueshme dhe ndjenjat e qëndrueshme të fitores për ndërmarrjet globale. Kina ka kushtet më të mira të prodhimit në botë. Nga politikat mbështetëse, furnizim talentesh deri në nivelin e lehtë të logjistikës, epërsia e përgjithshme e Kinës është e pakrahasueshme me rajonet e tjera. Kjo na ka dhënë më shumë besim për tregun kinez.” (Jiang Lei)
