Më 17 shtator, Peizazhi Kulturor i Pyjeve të Vjetra të Çajit të Malit Jingmai në Pu'er të Kinës Jugperëndimore u shtua në Listën e Trashëgimisë Botërore të UNESCO-s.

Komiteti i Trashëgimisë Botërore i UNESCO-s e vlerësoi këtë kandidaturë të Kinës dhe e shtoi në listë si një pasuri kulturore në sesionin e tij të zgjeruar në Riad të Arabisë Saudite, duke e çuar në 57 numrin e vendeve të Trashëgimisë Botërore të Kinës.

Kjo zonë përbëhet nga pesë pyje të vjetër çaji, nëntë fshatra tradicionale e tre pyje ndarës-mbrojtës dhe është "zhvilluar përgjatë mbi një mijë vjetëve nga kombësitë balang dhe dai pas praktikave që filluan në shekullin e 10-të," sipas UNESCO-s.

Me një kulturë historike çaji që pasqyron vlerën ekologjike të harmonisë ndërmjet njeriut dhe natyrës, Peizazhi Kulturor i Pyjeve të Vjetra të Çajit të Malit Jingmai në Pu'er ka formuar një ekosistem të qëndrueshëm të kopshteve të çajit mijëravjeçar dhe shihet si një mikrokozmos i zhvillimit më të gjerë të kulturës dhe qytetërimit kinez të çajit.

Sipas Li Qun, kreu i Administratës së Trashëgimisë Kulturore Kombëtare të Kinës, kjo përfshirje thekson rolin e rëndësishëm të Kinës në lindjen, mbjelljen dhe tregtinë e çajit, si dhe në përhapjen e kulturës së çajit.

CFP

"Peizazhi Kulturor i Pyjeve të Vjetra të Çajit të Malit Jingmai në Pu'er plotëson zbrazëtinë e temës së çajit në Listën e Trashëgimisë Botërore. Ai demonstron gjallërisht historinë e gjatë dhe arritjet e jashtëzakonshme të kulturës kineze të çajit dhe nënvizon pozicionin kryesor të Kinës në lindjen, mbjelljen, tregtinë dhe përhapjen e kulturës së çajit në botë. Ky projekt është ‘shembulli kinez' për mbrojtjen e trashëgimisë kulturore 'të gjallë'. Ne do të vazhdojmë të bëjmë një punë të mirë në rrëfimin e historisë kineze të trashëgimisë kulturore të çajit për botën e forcimin e shkëmbimeve dhe mësimit reciprok me qytetërimet e vendeve të tjera, dhe do të vazhdojmë të kontribuojmë 'forcën kineze' në ndërtimin e një komuniteti global me të ardhme të përbashkët," tha Li.

CFP

Konteja Autonome Lancang Lahu në Provincën Yunnan është shtëpia e këtij peizazhi kulturor. Ky rajon përfaqëson shembullin e kulturës së çajit të qendërzuar në teknikat historike të kultivimit dhe të ruajtjes së pyjeve të vjetra të çajit.

Paraardhësit e kombësisë bulang u vendosën në malin Jingmai rreth shekullit të 10-të, ku ata mësuan dhe grumbulluan njohuritë mbi shkurret e çajit të egër.

Së bashku me banorët dai dhe të kombësive të tjera, që erdhën më vonë në këtë rajon, ata u përshtatën gradualisht me pyjet, duke krijuar modelin e veçantë të rritjes së çajit nën drurë, një stil i mbjelljes tradicionale që u ka mbijetuar teknologjive të mbjelljes së çajit të përhapura në kohët e sotme.

CFP

Ky peizazh ka evoluar gjatë mbi një mijë vjetëve të ruajtjes dhe kontrollit në një simbiozë pyll-plantacion çaji, që simbolizon konceptin e harmonisë me natyrën.(Xu Guang)