Dekada e fundit ka dëshmuar përparimin më të madh të Kinës në shkencë dhe teknologji, me vendin që ngjitet në pozitën e 12-të në listën globale të ekonomive më inovative, nga vendi i 34-të në vitin 2012. Të dhënat u bënë të ditura nga ministri kinez i Shkencës dhe Teknologjisë, Wang Zhigang, i cili në një konferencë shtypi në Pekin citoi Indeksin Global të Inovacionit, që publikohet çdo vit nga Organizata Botërore e Pronësisë Intelektuale (WIPO).

Në vitin 2021, shpenzimet totale të Kinës për kërkimin dhe zhvillimin (R&D) arritën në 2.79 trilionë juanë (rreth 420 miliardë dollarë), shpenzimet e dyta më e larta në botë. Ato përbënin 2.44 për qind të produktit të brendshëm bruto (PBB) të vendit, afër nivelit mesatar të vendeve të Organizatës për Bashkëpunim Ekonomik dhe Zhvillim, tha Wang.

Kjo shifër është më e lartë se investimi prej 1.03 trilionë juanësh në kërkim dhe zhvillim në vitin 2012, që në atë kohë zinte 1.91 për qind të PBB-së.

Financimi i Kinës për kërkimin bazë është 3.4 herë më shumë në krahasim me dhjetë vjet më parë, duke arritur nivelin më të lartë të të gjitha kohërave për vendin, vuri në dukje Wang.

Grupi i talenteve të shkencës dhe teknologjisë së vendit gjithashtu është rritur gjatë dekadës së fundit. Në vitin 2021, fuqia punëtore e Kinës për Kërkim dhe Zhvillim arriti nivelin më të lartë në nivel global dhe 1.7 herë më të lartë se ai i vitit 2012.

Në vitin 2021, qarkullimi i kontratave teknologjike të Kinës arriti në 3729.4 miliardë juanë, 5.8 herë më shumë se në vitin 2012, duke përbërë 3.26 për qind të Prodhimit të Brendshëm Bruto të vendit.

Numri i patentave të shpikjeve të zotëruara nga çdo 10,000 njerëz u rrit në 19.1 në vitin 2021, nga 3.2 në 2012-n.

Përqindja e qytetarëve të arsimuar shkencërisht në vend u rrit nga 3.27 për qind në vitin 2010, në 10.56 për qind në vitin 2020.

Kina do të vijojë hapjen ndaj botës në shkencë dhe teknologji, do të shkëmbejë dhe bashkëpunojë me më shumë vende dhe do të japë më shumë kontribute në përparimin shkencor dhe teknologjik të botës dhe zhvillimin e qëndrueshëm, tha Wang.

Sipas ministrit, hapja dhe bashkëpunimi janë thelbësore për zhvillimin e shkencës dhe teknologjisë dhe të domosdoshme për adresimin e sfidave globale. Kina ndjek një strategji bashkëpunimi ndërkombëtar të hapur, gjithëpërfshirës dhe reciprokisht të dobishme në shkencë dhe teknologji, e cila çon në bashkëpunim me 161 vende dhe rajone, shtoi Wang. Infrastruktura shkencore dhe teknologjike lider në botë, si Radio Teleskopi Sferik me Hapje Pesëqind Metërshe (FAST) është i aksesueshëm për të gjithë shkencëtarët, vendas dhe të huaj.

"FAST ka ofruar shërbime vëzhgimi për 27 projekte shkencore në 14 vende të botës", - tha Hou Jianguo, kreu i Akademisë Kineze të Shkencave (CAS).

Kina të dielën nisi anijen kozmike Shenzhou-14 me ekuipazh, duke dërguar tre taikonautë për një mision gjashtëmujor për të ndihmuar në përfundimin e ndërtimit të stacionit hapësinor të vendit deri në fund të këtij viti.

Që nga viti i kaluar, vendi ka nisur me sukses modulin bazë Tianhe, tre anije mallrash Tianzhou dhe ka kryer dy misione me njerëz për të ndërtuar stacionin hapësinor.

Me Stacionin Ndërkombëtar Hapësinor që do të tërhiqet në vitet e ardhshme, stacioni hapësinor i Kinës do të bëhet i vetmi që rrotullohet rreth Tokës. Zyrtarët nga Administrata Kombëtare e Hapësirës së Kinës kanë shprehur gatishmërinë për bashkëpunim ndërkombëtar dhe për astronautët e huaj për të marrë pjesë në misionet e ardhshme të stacionit hapësinor të vendit. (Foto nga VCG)