Përveç këtyre, për të mbrojtur frymën e pastër, të drejtë dhe të barabartë të Lojërave Olimpike, Komiteti Organizativ i Pekinit forcoi kontrollin për doping. Numri i analizave për përdorim dopingu u shtua në 4 500, nga 3 600 në Lojërat Olimpike të Athinës. Ky numër përbën 50 për qind të numrit të përgjithshëm të sportistëve dhe është më i madh se në lojërat e kaluara olimpike. Edhe procesi i kontrollit ishte shumë serioz. Kryetari i Agjencisë Botërore kundër Dopingut (WADA) Johan Fahei i tha korrespondentit se WADA dhe qeveria kineze zhvilluan shumë herë kontakte dhe përgatitja ishte shumë e mirë. "Pikat tona të kontrollit për doping," tha ai, "kanë pajisjet më të përparuara në botë dhe numri i punonjësve që janë marrë me punën kundër dopingut arriti në mbi 1000". Në këto Lojëra Olimpike kontrolli për doping ishte më serioz se në lojërat e kaluara olimpike.

Gazeta austriake "Standard" numëroi nga ana tjetër rekorde të reja të vendosura në Lojërat Olimpike të Pekinit dhe ndryshime, të cilat ishin: grupi më i madh i korrespondentëve në histori: afro 40 mijë korrespondentë dhanë njoftime nga këto lojëra; e drejta e transmetimit iu dha për herë të parë mediave të reja. Komiteti Olimpik Ndërkombëtar u dha për herë të parë të drejtën e transmetimit mediave të reja si internetit, rrjeteve të telefonit të lëvizshëm. Këto ishin edhe Lojërat Olimpike me tregtizimin më të suksesshëm. Parku më i madh në botë, "Parku olimpik", do të jetë një "bar i oksigjenit" i ri në Pekin. (Du)