Lojërat Olimpike të Pekinit u kurorëzuan me sukses. Me përgatitjen e hollësishme dhe për një kohë të gjatë të Komitetit Organizativ të Lojërave Olimpike të Pekinit dhe me përkrahjen e ndihmën nga Komiteti Olimpik Ndërkombëtar, nga shumë vende dhe organizata ndërkombëtare, Lojërat Olimpike të Pekinit shënuan shumë rekorde botërore si në përqindjen e shikimit global dhe në kontrollin për doping. Këto lojëra u dhanë shikuesve të mbarë botës një festë madhështore sportive të paparë, me nivel dhe me cilësi të lartë.

Nga ana e numrit të pjesëmarrësve, Lojërat Olimpike të Pekinit si lojëra madhështore nga të cilat i ktheu sytë e gjithë bota, tërhoqën mbi 11526 sportistë të 204 vendeve e rajoneve të botës dhe u bënë lojërat olimpike me numrin më të madh të pjesëmarrësve.

Lojërat Olimpike të Pekinit gjetën shumë përkrahje edhe nga liderët e mjaft vendeve e rajoneve të botës. U vendos rekord historik në numrin e krerëve të shteteve që morën pjesë në ceremoninë e hapjes. Sidomos vlen të përmendet ardhja në Pekin e presidentit amerikan Bush bashkë me të afërmit e tij. Bushi është kështu presidenti i parë amerikan që ka marrë pjesë në ceremoninë e hapjes së Lojërave Olimpike të zhvilluara në vende të tjera.

Më 20 gusht, Komiteti Olimpik Ndërkombëtar u shpreh se me përdorimin e internetit, Lojërat Olimpike të Pekinit janë bërë Lojërat Olimpike me numrin më të shumtë të shikuesve në historinë 112-vjeçare të tyre. Në zonat kryesore duke përfshirë SHBA-në, të dhënat e shikimit janë shumë të gëzueshme. Drejtori i Drejtorisë së Zhvillimit të Tregut pranë Komitetit Olimpik Ndërkombëtar Timo Lume i tha korrespondentit: "Lojërat Olimpike të Pekinit do të jenë Lojërat Olimpike me përmasën më të madhe të transmetimit në historinë e tyre." "Përqindja e shikimit ishte më e lartë se në lojërat e kaluara olimpike." Në ceremoninë e hapjes që u zhvillua më 8 gusht, u shënua rekordi i transmetimit të lojerave sportive dhe numri i shikuesve arriti në 840 milionë. Në mbarë botën, mbi 1 miliard e 200 milionë shikues e ndoqën këtë ceremoni. Përveç këtyre, Timo Lumme tha gjithashtu se përqindja e shikimit të Lojërave Olimpike të Pekinit në SHBA e kaloi madje atë të Lojërave Olimpike të Atlantës. Përveç transmetimit në video, edhe transmetimi në internet arriti suksese të mëdha. Timo Lumme tha se vetëm në uebsajtin e televizionit NBC, numri i shikuesve arriti në mbi 22 milionë, që ishte 30 për qind më shumë se në Lojërat Olimpike të Athinës. Për sa i përket kohës së transmetimit, koha e transmetimit të Lojërave Olimpike të Pekinit arriti në 5 400 orë, 2 000 orë më shumë se në Lojërat Olimpike të Athinës.