Si kryepishtarmbajtës, "Princi i gjimnastikës" Li Ning mbajti pishtarin dhe fluturoi në buzën e kulmit të stadiumit duke filluar vrapimin si në një pistë vrapimi në ajër. Kur po vraponte Li Ning, u hap gradualisht buzë pistës së vrapimit në ajër një pikturë e gjatë kineze në të cilën u shfaq me video procesi i stafetës së zjarrit të shenjtë olimpik nga Athina në Pekin. Me hapjen e tërë pikturës, Li Ning vrapoi deri në kullën e pishtarit dhe e ndezi pishtarin. Kjo është hera e parë në historinë olimpike që lidhet ndezja e pishtarit kryesor olimpik me stafetën e zjarrit të shenjtë.

Li Ning ka qenë një gjimnast i famshëm. Në Lojërat e 23-ta Olimpike të Los Anxhelosit, ai fitoi 3 medalje të arta, 2 medalje të argjendta dhe 1 të bronztë. Në vitin 1987, Li Ning u bë i vetmi anëtar nga Azia i komisionit të sportistëve të Komitetit Olimpik Ndërkombëtar. Në vitin 1999, ai u zgjodh nga shoqata botërore e gazetarëve sportivë "Një nga sportistët më të shquar botërorë në shekullin e 20-të". (Fani)

Piktura e gjatë në rrotë letre, shfaqja artistike në ceremoninë e hapjes të Lojërave Olimpike të Pekinit

Natyra, pjesë e shfaqjes artistike në ceremoninë e hapjes të Lojërave Olimpike të Pekinit

Shfaqja "Shkrime"

Lin Hao hyri në "Folenë e zogut" me Yao Ming