Shfaqja e Filarmonisë së Romës në Teatrin e Madh Kombëtar të Kinës

Më 11 tetor, në Teatrin e Madh Kombëtar, Filarmonia e Romës dha shfaqjen e parë në Kinë. Krahas Pekinit, kjo orkestër do të shkojë edhe në Shangai dhe në qytetin Dujiangyan të provincës Sichuan për të dhënë dy shfaqje të mëdha. Të gjitha të ardhurat nga shfaqjet në Kinë do t'u dhurohen zonave të prekura nga tërmeti në provincën Sichuan.

Filarmonia e Romës është grupi i parë artistik që do të japë shfaqje në zonat e prekura nga tërmeti në Sichuan. Drejtuesi i përgjithshëm artistik i filarmonisë Francisko Witscher u shpreh:

"Gjatë shfaqjes në Sichuan do të shprehim ngushëllime posaçërisht për dy grupe personash, të mbijetuarit që humbën anëtarët e familjes dhe heronjtë që shpëtuan të tjerët pa pyetur për sigurinë e vet. Në Itali pashë në televizion pamjet e shpëtimit pas tërmetit. Mendoj se personat mjekësorë dhe policët janë heronjtë e tërmetit. Këta njerëz gërmuan me dorë për të shpëtuar njerëzit nën rrënoja. Kjo më ka prekur shumë. Do të interpretojmë simfoninë e tretë të Bethovenit "Heroike", për t'u shprehur respektin tonë. Ndërsa pjesa e dytë e kësaj simfonie është marshi funebër, me të cilin do të shprehim ngushëllime për të vdekurit në tërmet. (Wang Lei) (Artan)

 1   2