Londra i ka organizuari dy herë Lojërat Olimpike, më 1908 dhe 1948.

Karakteristikat e qytetit: qytet i famshëm ndërkombëtar

Mbi 1/4 e banorëve të Londrës kanë lindur në vende të tjera. Në Londër ka mbi 200 lagje të kombeve të ndryshme dhe banorët në këtë qytet flasin në mbi 300 gjuhë. Ky është një qytet me atmosferë të theksuar kulturore, ku ndodhen mbi 200 muze, mbi 500 kinema dhe 5 teatro të mëdha.

Koncepti për Lojërat Olimpike: Parku Olimpik do të krijohet në zonën lindore të Londrës, një zonë relativisht e varfër. Jetëgjatësia mesatre e banorëve në këtë zonë është disa vjet më e shkurtër se në zona të tjera të Londrës. Londra shpreson që nëpërmjet Lojërave Olimpike të shpejtojë zhvillimin dhe ndërtimin e kësaj zone. Këtu, do të ndërtohet një kontigjent stadiumesh, pallatesh dhe pajisjesh sportive moderne, duke përfshirë stadiumin kryesor olimpik, fshatin olimpik, qendrën e sporteve ujore, etj. Ndër to, qendra e sporteve ujore ka filluar të ndërtohet.

31 Stadiume e pallate sportive: krahas stadiumeve e pajisjeve të reja të nivelit të lartë, Londra do të shfrytëzojë plotësisht sheshet e famshme sportive ekzistuese, si sheshin e tenisit Uimbledon, stadiumin Uemblej, etj. Krahas këtyre, disa pika të famshme turistike të Londrës, si Grinuiçi, parku Haid, etj. do të përdoren edhe si qendra sportive.

Buxheti për Lojërat Olimpike: 2 miliardë e 790 milionë dollarë amerikanë. Qeveria angleze premton që t'u japë Lojërave Olimpike 2012 një fond prej 4 miliardë e 410 milionë dollarësh amerikanë në mbështetje të ndërtimit të stadiumeve, të përmirësimit të infrastrukturës urbanistike dhe të forcimit të garancisë së sigurimit.

Komunikacion: Londra premton që gjatë Lojërave Olimpike, 80% e sportistëve do t'i kenë banesat në largësinë brenda 20 minutave me autobus nga stadiumet ku zhvillohen ndeshjet e tyre. (Wang Lei)